Actualitats
L’armada colombiana bombarda las FARC en plen procès de patz
Almens vint guerrilhièrs son estats tuats
Almens vint membres de las FARC son mòrts après un bombardament de l’armada colombiana sus un dels campaments de la guerrilha. L’atac se debanèt la nuèch de dissabte, al sud-oèst del país, près de la frontièra amb l’Eqüator.
Lo bombardament arriba pendent que se fa las convèrsas de patz que lo govèrn colombian de Juan Manuel Santos e las FARC comencèron lo 19 de novembre a L’Avana. Alavetz, los guerrilhièrs anoncièron una alta al fuòc unilaterala.
Lo govèrn colombian, per contra, a dich qu’arrestarà las ostilitats quand se serà signat un acòrdi definitiu.
Justament, Santos a dich dimenge passat que lo procès de patz deu durar qualques meses e que los primièrs acòrdis an d’arribar en novembre de 2013 al pus tard.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Me fa un pauc pensar a Espanha que vòl minorizar las lengas del temps que los Basques ensajan de negociar una patz duradissa. Comença de niflar lo poiridum dreitassièr un pauc pertot dins aqueste mond perdut.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari