CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Divendres, 18 d'octòbre

Actualitats

Dimècres, 5 de decembre de 2012, 03h00 Politica,Lenga,Internacional

Gasconha > Val d'Aran

Espanha prepausa una lei de l’educacion contra los dreches lingüistics

L’occitan en Aran e lo catalan en Catalonha pòdon venir de lengas facultativas


Comentaris 9 comentaris    
Marrit Flac Bon Plan bon Fabulós (6 vòtes)
carregant En cargar


Lo ministre espanhòl de l’educacion a prepausat una nòva lei d’ensenhament que relèga l’educacion en occitan e en catalan al nivèl de quatrena lenga, que seriá facultativa dins l’educacion segondària. Las reaccions de refús en Catalonha e Aran son estadas nombrosas. La conselhièra de l’ensenhament de la Generalitat se n’anèt indignada d’una reünion a Madrid en disent que s’agís d’una lei inacceptabla, del temps qu’Artur Mas a convocat una reünion de politicians. Catalonha farà recors contra aquela lei que contraditz l’Estatut d’Autonomia e la lei catalana de l’educacion.


Lo ministre d’educacion espanhòl, José Ignacio Wert





Etiquetas
aranés, catalan, educacion, escòla, espanha, occitan, wert

Lo ministre de l’educacion espanhòl, José Ignacio Wert, prepausèt diluns passat l’esbòs de la nòva Lei Organica de Melhorament de la Qualitat de l’Ensenhament (LOMCE) que representa l’atac mai grand contra los dreches lingüistics dempuèi la dictatura del General Franco. Per çò qu’es del sistèma educatiu en Catalonha e Aran, aquela propòsta relèga lo catalan, e de rebuc l’aranés, al reng de quatrena lenga curriculara.
 
La lei que prepausa lo ministre Wert distinguís las matèrias en tres categorias: dins la categoria principala i a las matèrias de lenga espanhòla e de primièra lenga estrangièra, normalament l’anglés; dins una tresena categoria demorariá la segonda lenga estrangièra; del temps que dins la darrièra categoria, las de las especialitats, i auriá l’aranés en Aran e lo catalan en Catalonha.
 
Aital doncas, l’usatge de las lengas cooficialas, coma l’occitan, lo catalan, lo galèc o lo basco, demòra extrèmament redusit a qualques matèrias. De mai, la lei obliga los govèrns autonomics de pagar l’escòla privada dels escolans que vòlgan èsser escolarizats completament en espanhòl.
 
Per çò qu’es de l’ensenhament segondari, aquela lei farà qu’en Catalonha se pòsca obténer lo diplòma del bachelierat  sens besonh de saber l’aranés o lo catalan, e lo ministèri espanhòl se resèrva lo drech d’establir los contenguts de qualques matèrias.


De reaccions d’indignacion
 
Las reaccions son estadas nombrosas en Catalonha. L’hashtag #wertgonya (jòc de mots amb lo nom del ministre e lo mot vergonha) foguèt trending topic (subjècte de mòda) del temps que las reaccions dels collectius de mèstres e parents son estadas d’indignacion.
 
Lo govèrn de la Generalitat en foncions a anonciat que respectarà pas aquela lei e qu’aplicarà en tot moment la Lei de l’educacion de Catalonha. Totes los partits politics del Parlament de Catalonha, a l’excepcion del Partit Popular (PP) e de Ciutadans (C’s), an sostengut lo govèrn. La dimenjada que ven, se debanaràn divèrses acamps de protèsta.
 

Carlos Barrera: “Wert ja a metut en marcha era volontat d’espanholizar”
 
Lo Sindic d’Aran, Carlos Barrera, a dich en de declaracions a Jornalet que s’agís d’un “arrepè absolut de respècte ara identitat des pòbles”. Barrera a apondut que lo ministre “a metut ja en marcha era sua volontat d’espanholizar”, en se referissent a las declaracions del ministre espanhòl, quand en octòbre passat reconeguèt que “lo nòstre interès es espanholizar los escolans catalans”.
 
Lo Sindic apondèt que la volontat de “divòrci” que i a entre Catalonha e Espanha ven de mai en mai granda amb d’actituds coma la del ministre espanhòl.
 
 
Francés Boya: “Wert ei er exponent d’un govèrn intolerant e pelliculós”
 
Lo senator socialista per Lhèida e èx-sindic d’Aran, Francés Boya, assegurèt ièr a Europa Press que lo ministre Wert “ei er exponent d’un govèrn intolerant e caspós (pelliculós)” pel sieu atac a l’aranés e al catalan e l’a convidat a vesitar la Val d’Aran per que comprenga l’immersion lingüistica.
 
Boya considèra que s’òm met en question l’immersion lingüistica, l’aranés sortirà fòrça mai prejudiciat perque es una lenga qu’es encara dins una situacion mai flaca que lo catalan. “Nosati en aguest moment auem ua situacion d’ua debilitat extrèma deth punt d’enguarda der usatge sociau dera lengua”, çò remarquèt.
 
 
Irene Rigau daissèt tombar Wert e quitèt la reünion
 
Ièr dimars, la conselhièra de l’ensenhament en foncions de la Generalitat de Catalonha, Irene Rigau, daissèt tombar lo ministre e se n’anèt de la conferéncia sectoriala sus l’educacion presidida pel ministre Wert.
 
Rigau expliquèt que Wert presentèt dins aquela reünion un tèxt alternatiu, amb qualque cambiament, mas remarquèt que s’agís de cambiaments mendres e que lo tèxt “contunha d’èsser inadmissible”.
 
Al delà, en emplegar lo tèrme de “lenga vernaculara”, se referís a “la lenga dels someses e dels esclaus”, çò apondèt la conselhièra.
 
 
Lo govèrn de Catalonha sonque respectarà la lei catalana
 
Qualques oras abans, lo pòrtavotz del govèrn de la Generalitat de Catalonha, Francesc Homs, aviá dich que la Generalitat de Catalonha aplicariá la Lei de l’Educacion de Catalonha e defendriá “los dreches lingüistics fondamentals dels ciutadans del nòstre país, emparats en la carta de dreches universals e tanben en la constitucion”.
 
 
Artur Mas convocarà una reünion amb d’autres dirigents politics
 
Homs anoncièt tanben que lo president Artur Mas aviá parlat amb los dirigents politics dels partits que, pendent las trenta darrièras annadas, an sostengut l’immersion lingüistica; e lor a prepausat de s’acampar en una reünion, que se debanarà dimècres que ven al Palais de la Generalitat, amb lo conselh escolar.
 
S’agís d’una reünion ont se vòl soslinhar amb “la trascendéncia d’aquela ofensiva que s’albira contra çò qu’aicí a foncionat fòrça ben dins lo país pendent mai de trenta ans, un modèl lingüistic e d’escolarizacion que permet de dominar de manièra indistinta tant lo catalan coma lo castelhan”.
 
 
Wert defend l’espanhòl abans tot
 
Lo ministre Wert, dins una conferéncia de premsa, defendiá ièr aquela lei en disent que cal preservar l’espanhòl dins las comunautats autonòmas qu’an de lengas cooficialas.
 
Lo ministre a convocat una autra reünion lo 19 de decembre que ven per tornar tractar la siá propòsta de lei.



publicitat
BANER1-2-3: DGPL TRADUCTOR



Comentaris

8 de decembre 20.09h

#8 Eth modèl educatiu catalan per immersion lingüistica garentís qu'es escolans acaben es estudis damb ua perfècta competéncia lingüistica en catalan e en espanhòu, e tanben en occitan ena Val d'Aran.

Separar era mainadèra per rasons de lengua, qu'ei bastir un Apartheid. Eth modèl educatiu a d'èster eth madeish entà toti es mainatges.

Se 8 familhes vòlen qu'es sòns hilhs estúdien en castelhan e non parlen catalan, era Justícia deurie de trèir era potestat ad aqueres familhes,... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

8 de decembre 19.00h

parlar,parlar e parlar,sense saber arren d'aquera navera lei ,aquesta lei que vòu tornar eth dret peth monde qui vòn qu'eths loés mainats e poscan aprener se vòn en castelhan. Pormor ath dia de uei sustot en catalonha Eths qui vòn aprener en castelhan que son obligat d'aver arrecors aths tribunaus entà qu'eth dret d'egalitat entre eras lengas cooficialas en Espanha e sia arrespectat era constitucion espanhòla que ditz qu'en... Legir mai


Valoriza aqueste comentari:   votar positiu 0   votar negatiu 5
Respondre comentari replica Comentari inadeqüat   Formulari d'abús de comentari

6 de decembre 00.12h

#6 As rason, Alícia. Voiliái dure "una rascladura de fons de bordilha" ; un faiscista, qué…


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

6 de decembre 00.10h

#5 Òu, lo Che, "fasiscata " ? Voliás dire un faiscista, non ?


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

5 de decembre 23.11h

"Wert defend l’espanhòl abans tot", mas aiçò es pas "defendre una lenga" que de trepejar las autras. Quora defendèm una lenga, las defendèm totas… o sèm un fasiscata (que se pren o non per un republican).


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

5 de decembre 20.09h

Quin hasti, que'm balha eth vomir ! Quan pensi qu'ena video a on disèva voler "espanholizar eths escolans catalans", que pretextava qu'era tà deféner era libertat de causir (d'ua minoritat). Aquiu que l'as era libertat de causir (dera majoritat) ! B'a un gran sens dera democracia e dera patz civiu, aqueth òme ! Qu'ei a demandar-se se non vòn pas que se'n torne eth terrorisme tà justificar eth hèt de cagar sus eths de qui s'aprèssan mes que james dera loa emencipacion.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

5 de decembre 18.37h

Aquel ministre sembla content de ce que fa. Dèu li far plaser de mespresar las autras lengas.


Valoriza aqueste comentari:   votar positiu 6   votar negatiu 2
Respondre comentari replica Comentari inadeqüat   Formulari d'abús de comentari

5 de decembre 15.03h

E imaginan qu'amb unas leis de mèrda coma aquesta, los guerrejaires basques van acabar de pausar las armas ??? Son a somiar, supausi…


Valoriza aqueste comentari:   votar positiu 4   votar negatiu 1
Respondre comentari replica Comentari inadeqüat   Formulari d'abús de comentari

5 de decembre 04.54h

E ben, filhets! Vaquí una lei que sembla copiada-pegada de la lei francesa. I a pas de dobte, amb lo PP, Espanha es sul camí del progrés... del mesprètz, de l'intolerància e de la discriminacion!


Valoriza aqueste comentari:   votar positiu 8   votar negatiu 2
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 16
  • sol Aush 16
  • sol Bordèu 17
  • sol Briançon 15
  • sol Caors 15
  • sol Carcassona 18
  • sol Clarmont-Ferrand 15
  • sol Confolent 16
  • sol Gap 12
  • sol La Canau 18
  • sol La Gàrdia 24
  • sol Limòtges 15
  • sol Lo Borg Sant Dalmatz 17
  • sol Lo Puèi de Velai 16
  • sol Marselha 20
  • sol Montpelhièr 20
  • sol Naut Aran 15
  • sol Niça 19
  • sol Nimes 20
  • sol Pau 16
  • sol Peireguers 16
  • sol Rodés 16
  • sol Tolon 17
  • sol Tolosa 16
  • sol Valença 18

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Còth deth Tormalet, 18/07/2012

  • Fèsta occitana a Barcelona, a l'ocasion del cinquen anniversari de Jornalet

  • © Zep Armentano

    Era Mongetada (Val d'Aran 28-29 d'octobre 2017)

  • Lo grand passacarrièra de Rodés. Occitan Pride 2013

  • © Manel Armengol

    Presentacion deth roman Òc a Barcelona en ocasion dera Hèsta d'Aran

  • Omenatge a Aragon. © Franc Bardòu

    Omenatge a Aragon

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

  • © Franc Bardòu

    Asuèlhs de Lauragués

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Aure Séguier

    Carnaval Biarnés 2017

  • © AR

    Vila d'Usès e lo pont de Gardon

  • En Provença orientala: Mogins e noms de luecs occitans escrichs a la francesa

  • Bordèu, bèla occitana de Gasconha. © Franc Bardòu

    Bordèu, bèla occitana de Gasconha

  • A Lesinhan de las Corbièras, per la rota

    L'occitan per carrièras (concors de prima 2014)

  • Estivada 2013. © Guillem Sevilla

    Estivada 2013

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • © Aure Séguier

    Carnaval Biarnés 2017

  • © Laurenç Revèst

    Besièrs, preséncia d'occitan en ciutat e CIRDOC

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)