Actualitats
Lescar: accion d’”Òc pertot” per la senhaletica en occitan
Cèrcan de far pression suls elegits en revendicant “que los nostes drets d’utilizar l’occitan dens la vita vitanta sian arrespectats”
Contunhan en Bearn las accions de la campanha “Òc pertot“. Dissabte passat de matin, s’installèron a l’entrada de l’autorota 64 a Lescar (Palés) e, simbolicament, installèron de panèls en occitan en revendicant atal que la lenga siá presenta sus la senhaletica estradièra. De mèdias locals coma La République des Pyrénées n’an fach resson.
La còla d’”Òc pertot” revendica per l’occitan las meteissas condicions que las an las autras lengas per la dignitat de lors locutors dins de circonstàncias normalas. Amb lors accions cèrcan de far pression suls elegits.
Un dossièr de premsa (que podètz descargar aquí) expausa las rasons per las qualas s’es entamenada la campanha, explica l’estrambòrd de la reconquista de la lenga, lo mesprètz de l’estat francés e de sas administracions, detalha la campanha e ne precisa las revendicacions. “La lenga occitana que hè partida de çò qui èm”, çò ditz la còla de Libertat en precisant que luchan “entà que los nostes drets d’utilizar l’occitan dens la vita vitanta sian arrespectats”. Al delà de las revendicacions lingüisticas, “Òc pertot” reclama que l’ensenhament de l’istòria dins totes los cursus publics e privats siá la del territòri occitan.
La campanha “Òc pertot” l’a aviada lo movement de l’esquèrra occitanista Libertat, que fa una crida a totes los collectius que se reconescan dins aquel combat per que jongan la campanha. Jornalet saluda e sosten aquela campanha, coma o manifestèt dins un editorial publicat lo 21 d’abril passat.
La còla d’”Òc pertot” revendica per l’occitan las meteissas condicions que las an las autras lengas per la dignitat de lors locutors dins de circonstàncias normalas. Amb lors accions cèrcan de far pression suls elegits.
Un dossièr de premsa (que podètz descargar aquí) expausa las rasons per las qualas s’es entamenada la campanha, explica l’estrambòrd de la reconquista de la lenga, lo mesprètz de l’estat francés e de sas administracions, detalha la campanha e ne precisa las revendicacions. “La lenga occitana que hè partida de çò qui èm”, çò ditz la còla de Libertat en precisant que luchan “entà que los nostes drets d’utilizar l’occitan dens la vita vitanta sian arrespectats”. Al delà de las revendicacions lingüisticas, “Òc pertot” reclama que l’ensenhament de l’istòria dins totes los cursus publics e privats siá la del territòri occitan.
La campanha “Òc pertot” l’a aviada lo movement de l’esquèrra occitanista Libertat, que fa una crida a totes los collectius que se reconescan dins aquel combat per que jongan la campanha. Jornalet saluda e sosten aquela campanha, coma o manifestèt dins un editorial publicat lo 21 d’abril passat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per donar anims als valents e valentas que demanan la senhaletica en Oc.
En aquesta cançon de Bernad de Ventadorn lo trobador ja està cansat solament de l'amor espiritual e vol qualca causa mai :
Ai Deu ! car no sui ironda,
que vole per l'aire
e vengue de noit prigonda
lai dins son repaire ?
Bona domna gauzionda,
mor se'l vostr'amaire !
Paor ai que'l cors me fonda,
s'aissí 'm dura gaire.
Domna, per vostr'amor
jonh las mans et ador !
Gens cors ab frescha color,
gran mal me faitz traire !
.....
La Carta Europea de las Lengas Minorizadas tamben parlava de la senhaletica de las carreteras. Donca a qu' esperam!
Òsca a aqueles valents! Es pas que lo començament de quicòm. Cal organizar d'autras accions atal pel país.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari