Bandièra01 1180x150: Comuna de Tolosa

Actualitats

Rescontre istoric entre Donald Trump e Gim Jeongeun en Corèa del Nòrd

Donald Trump es vengut lo primièr president estatsunidenc a traupir lo territòri nòrd-corean durant sa carga

Donald Trump es vengut lo primièr president estatsunidenc a calcar la Corèa del Nòrd durant sas foncions. Lo president nòrd-corean Gim Jeongeun (Kim Jong-un) acceptèt  lo convit de Trump per se tocar la man dins l’airal desmilitarizat de las doas Corèas. Trump i arribèt acompanhat del president de la Corèa del Sud, Mun Jaein (Moon Jae-in).
 
Es lo tresen còp que Gim Jeongeun e Donald Trump se rescontran après la darrièra reünion marcada per la suspension de las convèrsas, supausadament perque la Corèa del Nòrd auriá refusat la proposicion d’anullar son programa d’armas nuclearas en escambi d’argent.
 
“Vesi aqueste acte coma un biais d’eliminar un passat malaürós e de dobrir un nòu futur”, çò diguèt lo cap nòrd-corean après la reünion. “Lo convidarai ara a l’Ostal Blanc”, çò respondèt Trump.
 
Aquel gèst istoric arriba après que Trump anoncièt dissabte qu’impausariá pas de dreches doanièrs addicionals a China, en insinuant una trèva comerciala amb aquel país. “Nos manca environ 350 miliards de dolars en balança comerciala sus los quals los poiriam aplicar, mas per ara ne  parlarai amb China”, çò assegurèt.

 
 
 
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
1.

La patz mondiala passa per actes coma aqueste, d'amistat e de distension. Mas qui es que vol la guerra ?

  • 1
  • 0

Escriu un comentari sus aqueste article