Bandièra01 1180x150: Comuna de Tolosa

Actualitats

EnvironamentInternacionalPoliticaSocietat

Lion: un jutge considèra que despenjar lo retrach de Macron es pas un delicte

“Lo despenjament e lo levatge sens autorizacion d’aquel retrach deu èsser interpretat coma lo substitut necessari del dialòg impracticable entre lo President de la Republica e lo pòble”, çò a dich

| @AnvCop21
Un jutge de Lion (Arpitània) establiguèt diluns passat que panar de retraches oficials del president francés, Emmanuel Macron, èra legitim. Lo jutge estima que “lo despenjament e lo levatge sens autorizacion d’aquel retrach deu èsser interpretat coma lo substitut necessari del dialòg impracticable entre lo President de la Republica e lo pòble”. D’un caire, lo jutge a reconegut que lo retrach levat es un “objècte de nauta valor simbolica”, mas de l’autre a afirmat que la gravetat de la crisi climatica dona de legitimitat a de “nòus biaisses de participacion politica”.
 
Se jutjava Fanny Delahalle e Pierre Goinvic, dos activistas de l’organizacion non-violenta COP21 qu’en febrièr passat despengèron e emportèron lo retrach de Macron d’una comuna d’un quartièr de Lion. Lo procuraire de la republica demandava una multa de 500 èuros pels activistas en argumentant que s’agissiá d’un panatòri que resolviá pas brica la crisi climatica.
 
Divèrsas accions similaras se son tengudas per tot l’estat francés dins l’encastre de la campanha “Despengem Macron”. Dins aquel sens, un jutge de Borg de Bressa (Arpitània) a condemnat un activista a una multa de 250 èuros del temps qu’a Estrasborg un jutge daissava en libertat tres activistas qu’avián fach la meteissa causa. Al total, an despenjat 128 retraches oficials d’Emmanuel Macron per protestar per son “inaccion climatica e sociala” pertocant lo cambiament climatic.
 
D’activistas environamentalistas e politicians d’esquèrra an interpretat la senténcia coma una victòria simbolica.
 
 
 


 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
2.

I a de Jutges senats, o cal reconéisser.
Malurosament, es estat atacat pel Larcher, lo president del Senat, sus Frons Inter! En mai d'aquò, qualques minutas abans, a prepaus d'un autre jutjament (Balkany) diguèt que comentava pas una ecision de justicia al nom de la separacion dels poders... Es a sacar pel sòl lo compòrtament exemplar dels senators dins l'enquèsta sul sicari Benalà.

  • 3
  • 0
francesc palma
1.

Es qu'aver d'aguantar lo retrat de Macronet en la sala de sesions i a per acabar la paciencia. Ara ben se es vol posar en la cambra comuna o loc comun, ben.

  • 3
  • 0

Escriu un comentari sus aqueste article