Actualitats
La Seleccion Occitana de Fotbòl s’alestís per l’Europeada 2020
L’AOF demanda lo sosten de jogadors, d’ancians jogadors, de suportaires, de cosinièrs, de massaires e de tot lo país
Torna la Seleccion Occitana de Fotbòl. Lo 4 de genièr que ven, presentarà son calendièr per 2020 amb l’uèlh sus l’Europeada 2020 que se tendrà del 20 al 28 de junh en Caríntia, l’estat del sud d’Àustria que ten una importanta minoritat eslovèna.
Mentretant, l’Associacion Occitana de Fotbòl (AOF) demanda lo sosten del país. De jogadors, d’ancians jogadors, de suportaires, de cosinièrs, de massaires e quina persona que siá son cridats a sosténer la Seleccion. Tanben se pòt ajudar amb un escotisson de 30 èuros deductible dels impòstes a un 66%.
Dins aquel sens, lo 4 de genièr se farà près de Besièrs un rescontre per coordenar totes aqueles sostens e per presentar l’an 2020. Es previst un tantòst-serada amb d’activitats culturalas, esportivas e convivialas.
Per mai d’informacions podètz contactar Aimeric Amiel per email o al +33(0)6 83 82 21 80.
Lo torneg de fotbòl de las minoritats d’Euròpa
L’Europeada es lo torneg de fotbòl de las minoritats d’Euròpa que se tendrà fins al 25 de junh. Aquela competicion dona l’oportunitat de jogar internacionalament las seleccions de las minoritats nacionalas e culturalas d’Euròpa exclusas de l’UÈFA. Lo torneg es organizat dempuèi 2008 per l’Union Federala de las Nacionalitats Europèas (Federal Union of European Nationalities, FUEN) e se debana cada quatre ans amb l’intencion d’aprofechar l’atencion mediatica que la genèra l’Eurocopa dels estats per far aumentar la coneissença de las minoritats nacionalas e la diversitat lingüistica del continent europèu. Occitània i a participat regularament.
En 2016, Occitània foguèt classada en 2a posicion tant al torneg masculin coma al femenin e en 2012, arribèt als quarts de finala.
Mentretant, l’Associacion Occitana de Fotbòl (AOF) demanda lo sosten del país. De jogadors, d’ancians jogadors, de suportaires, de cosinièrs, de massaires e quina persona que siá son cridats a sosténer la Seleccion. Tanben se pòt ajudar amb un escotisson de 30 èuros deductible dels impòstes a un 66%.
Dins aquel sens, lo 4 de genièr se farà près de Besièrs un rescontre per coordenar totes aqueles sostens e per presentar l’an 2020. Es previst un tantòst-serada amb d’activitats culturalas, esportivas e convivialas.
Per mai d’informacions podètz contactar Aimeric Amiel per email o al +33(0)6 83 82 21 80.
Lo torneg de fotbòl de las minoritats d’Euròpa
L’Europeada es lo torneg de fotbòl de las minoritats d’Euròpa que se tendrà fins al 25 de junh. Aquela competicion dona l’oportunitat de jogar internacionalament las seleccions de las minoritats nacionalas e culturalas d’Euròpa exclusas de l’UÈFA. Lo torneg es organizat dempuèi 2008 per l’Union Federala de las Nacionalitats Europèas (Federal Union of European Nationalities, FUEN) e se debana cada quatre ans amb l’intencion d’aprofechar l’atencion mediatica que la genèra l’Eurocopa dels estats per far aumentar la coneissença de las minoritats nacionalas e la diversitat lingüistica del continent europèu. Occitània i a participat regularament.
En 2016, Occitània foguèt classada en 2a posicion tant al torneg masculin coma al femenin e en 2012, arribèt als quarts de finala.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quala bona idèia de portar las colors de l'Occitania e de la far coneissér pel football !
Cossi adujar finacièrament ? I a una canhòta en linha ?
Vinga! I ara oficial! Tal com ha d'ésser.
Visca la Terra...Lliure!
L'Ernest, "El Tàrrega".
M'arraca d'èsser pas al mièg d'aqueles jovenasses.
Los entendre parlar occitan me rapelariá un còp èra, quand acompanhavi lo pepin pels fierals.
Cal sosténer l'AOF.
Al punt ont ne sèm i a pas de pichòt pas: un pas endavant es un pas endavant!
En mai d'aquò, cal que l'occitan ocupe tot l'espaci de la vida, fotbòl comprés.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari