Bandièra01 1180x150: País Invisible

Actualitats

Turquia: de deputadas cantan “Un violaire sus ton camin” al parlament contra lo ministre de l’Interior

Protestavan contra la repression de la polícia contra las feministas qu’avián interpretat aquel nòu imne feminista mondial a Ankara e Istambol

De deputadas dels partits de l’oposicion an interpretat al parlament de Turquia la performança “Un violaire sus ton camin” que l'inicièt l’organizacion feminista de Chile sonada “Las Tesis” e qu’a capvirat lo Mond. Es atal qu’an protestat contra la detencion de sèt feministas acusadas “d’insultes al president” quand cantavan Loviolaireèstu. Las deputadas an profechat de lor immunitat per interpretar la meteissa performança mentre que los deputats del Partit Republican del Pòble (CHP) mostravan d’afichas amb de fotografias de victimas de la violéncia masclista.
 
 
 
Sèt detengudas e qualques nafradas per insultes al president
 
La setmana passada, environ tres cents femnas que cantavan e dançavan aquel imne feminista foguèron atacadas per la polícia, e lo ministèri public n’a denonciadas sèt per “ofensas a l’estat”. Concretament, aqueste considèra qu’an mancat a l’article 301 del còde penal turc que prevei de penas de 24 meses de preson per “ofensas publicas a la nacion turca, a l’estat, al parlament, al govèrn o als jutges”. Las set detengudas aurián tanben, segon los procuraires, enfranguda la lei de manifestacions e aurián comés lo delicte “d’insultes al president”.
 
La violéncia masclista es fòrça presenta dins lo debat politic en Turquia. Las organizacions feministas e esquerristas acusan lo govèrn, conservator e d’orientacion islamista, de non tocar pas las causas del problèma.
 
L’Union dels Collègis d’Avocats de Turquia a reprochat al govèrn d’Erdogan d’arrestar de feministas en luòc de “luchar contra los crimes masclistas”.
 
 
Un imne feminista mondial
 
La performança creada per Las Tesis se tenguèt per criticar l’impunitat dels que viòlan e tuan de femnas, e faguèron una accion espectaclosa davant lo palais de justícia de Santiago de Chile ont de milièrs de femnas amb los uèlhs bendats en negre faguèron un cant e una dança. Las paraulas asseguran que lo patriarcat es darrièr los actes de la justícia, de l’estat, dels policièrs, dels jutges e mai del president.

 
 
 
 
abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pierre Terral
3.

#1
Siái plan contrariat de vos aver decebut. Aquí un ligam per reparar lo retard, en esperant que lo trobaretz pas desplçat.

https://www.huffingtonpost.fr/entry/son-domicile-est-lendroit-le-plus-dangereux-pour-une-femme_fr_5c92b550e4b0ab349ef71e8a

  • 2
  • 0
oksitanlaştıramadıklarımızdanmısınız Apraquital, tresena tenda apèi lo tuc còsta lo riu ont se banhan nusas las zègas a negrenuèch
2.

Sabi pas s'an cantat en Suècia, segurament vist que Suècia es ara lo 2n. pais darrièr lo Lesotho ont se far lo mai de Viòls......

  • 2
  • 0
Guilhèm Thomas Tolosa
1.

Soi decebut.

Ai esperat un comentari desplaçat sus aqueste subjècte de la part de Pierre Terral tota la jornada e l'ai pas agut.

Mèrda !

  • 1
  • 0

Escriu un comentari sus aqueste article