Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Anna Geli a guanhat eth Campionat deth Mon d’Esquí de Jornalistes

Era jornalista aranesa guanhèc era corsa de manèra absoluda, en tot guanhar as hemnes de totes es categories, e tanben as òmes

Pendent era semana der 11 enquiath 17 de març se debanèc ena estacion lombarda de Put de Lègn [en italian Ponte di Legno] es Campionats deth Mon d’Esquí de Jornalistes a on era jornalista aranesa Anna Geli, guanhèc era corsa de manèra absoluda, en tot guanhar as hemnes de totes es categories, e tanben as òmes.


Era escadença s’ac valie, donques qu’en 2015 era estacion aranesa Baqueira Beret organizarà aguest eveniment qu’amasse ar entorn des 250 jornalistes de tot eth mon d’uns 40 païsi diferents. Entà Itàlia tanben i assistiren representants deth Govèrn aranés, dera estacion d’Esquí de Vaquèira e der Ajuntament de Naut Aran, en tot èster convidadi a vèir eth desvolupament d’aguest eveniment esportiu, mès tanben de coneishement e d’intercambi.
 
Es jornalistes non son forçadament especialistes en jornalisme esportiu, senon que i participen aqueri qu’escriuen, hèn TV, ràdio o quin tipe que sigue de mèdia en tematiques sociaus, culturaus, economiques o toristiques.
 
Long dera setmana se debane de manèra esportiva, un eslalom gegant e ua pròva d’esquí de hons, mentre es tardes son entà hèr debats e deliberar sus es actualitats mondiaus, sustòt ad aqueres que tanhen ath lòc a on se desvolope era pròva, en aguest cas Itàlia. Es jornalistes, vengudi de tot eth mon, organizen abantes d’aquera setmana un pretorn e un pòsttorn pera zòna a on se desvolupen es Campionats deth Mon entà pr’amor de conéisher de mès a pròp era cultura e era idiosincrasia d’aquiu a on son.
 
En 2014 es Campionats deth Mon d’Esquí de Jornaliestes de celeraràn en Soïssa, e en 2015 en país nòste. Era estacion Baqueira Beret acuelherà aquera pròva que meterà en punt d’enguarda deth Mon era Val d’Aran, as aranesi e era estacion Baqueira Beret coma sedença oficiau.

Anna Geli ei musiciana, esportiua èx-componenta dera equipa espanhòla de copa deth Mon d’esquí aupin e ei licenciada en jornalisme e comunicacion audiovisuau. Actuauments hè jornalisme en lengua nòsta en Ràdio Val Pireneos e en Catalonha Informacion.
 
 
 
 
GA / Red

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Halhèr Les
1.

Felicitats Anna!!

  • 3
  • 0

Escriu un comentari sus aqueste article