Bandièra01 1180x150: Comuna de Tolosa

Actualitats

Suècia extradís devèrs Turquia un membre del PKK condemnat a 6 ans de preson

Aital lo país escandinau demanda a Turquia que retire son vèto a son incorporacion dins l’OTAN

Tèxte legit

Las autoritats suedesas an extradit devèrs Turquia un membre del Partit dels Trabalhadors de Curdistan (PKK), qu’Ankara considèra coma una “organizacion terrorista”. Aquel movement lo fan per obténer que lo govèrn turc lève son vèto a l’intrada de Suècia dins l’OTAN.
 
L’extradit es Mahmut Tat, membre de l’Union de las Comunautats Curdas, una organizacion parapluèja que capèla qualques entitats coma lo PKK. Segon l’agéncia turca Anatolia, Tat es condemnat a sièis ans e dètz meses de preson. En 2015 demandèt l’asil a Suècia en seguida d’aquela condemnacion, mas sa demanda foguèt rebutada.
 
Turquia se planh de la manca de cooperacion de Suècia e Finlàndia per liurar de membres del PKK, e deplora que los dos païses apliquen pas encara l’acòrdi que se signèt pendent la reünion de l’OTAN a Madrid.
 
L’acceleracion d’aquelas extradicions es “una condicion indispensabla” per que Turquia accèpte l’incorporacion d’aqueles dos estats nordics dins l’OTAN.
 


abonar los amics de Jornalet

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
3.

Donc, per la far corteta : los estats de l'est d'Euròpa qu'an páur de l'imperialisme rus actual an lo dreit de se sacar dins lo morre del lopàs imperialista amiracan (OTAN) a la condicion de contribuïr plan mai activament al genocidi kurd engatjat per l'estat integrista musulman de Turquia ?

Quand vos parli d'un mond de mèrda…

  • 6
  • 0
Pitaluga
2.

Confirmacion que Suècia a virat a drecha tota.
Los legeires de Mankel e de las aventuras del comissari Wallander sabon que i a bèl brieu que i a quicòm que vira pas redon dins lo reiaume suedés.
Bernadòta, torna ! Son venguts calucs !

  • 6
  • 0
artur Quintna i Font Barcelona
1.

Ai Suéda e la Terra d'Argensa, qui t'a vist e qui te vei!

  • 10
  • 1

Escriu un comentari sus aqueste article