Bandièra01 1180x150: Comuna de Tolosa

Actualitats

Barcelona: granda manifestacion independentista contra la cima francoespanhòla

A mal capitat l’intencion del primièr ministre espanhòl de mostrar que lo procès independentista de Catalonha èra acabat

| ANC

Tèxte legit

De desenas de milièrs de personas —30 000, segon los organizaires— manifestèron  dijòus passat de matin lor refús de la cima francoespanhòla. Una fòrta fiulada aculhiguèt l’arribada del president de França, Emmanuel Macron, e del president del govèrn espanhòl, Pedro Sánchez. La protèsta seguissiá l’apèl d’una trentena de partits e associacions independentistas jos la devisa “Aicí s’es pas res acabat”. A doncas mal capitat l’intencion del primièr ministre espanhòl de mostrar que lo procès independentista de Catalonha èra acabat.
 
Lo president de la Generalitat, Pere Aragonès, èra present per saludar Macron e Sánchez e lor donar la benvenguda a Barcelona, al costat de la consolessa màger, Ada Colau. Totun, abans que sonèsson los imnes francés e espanhòl, Aragonès partiguèt. De soslinhar que son partit, ÈRC, aviá tanben cridat a manifestar contra l’eveniment.
 
Dins lor reünion, Pedro Sánchez e Emmanuel Macron —una reünion que se teniá al mitan d’una cauma generala dins l’estat francés contra la retirada a 64 ans— parlèron de questions fondamentalas per totes dos estats, coma las interconnexions, d’afars migratòris e lo sosten a Ucraïna. Sánchez tanben demandèt a Macron la dobertura dels passatges frontalièrs que son encara barrats. Puèi, devèrs 15h, los dos presidents e la consolessa de Barcelona vesitèron lo musèu Picasso.
 
Mentretant, la protèsta se desplacèt fins a las pòrtas del consolat francés, jos la devisa “Ni França, ni Espanha, sèm Païses Catalans”.
 
D’autres accions de protèsta se tenguèron endacòm mai, dont cal soslinhar lo barrament de l’autoestrada AP7.
 


L’oficialitat del catalan dins l’UE, un afar intèrne espanhòl segon Macron
 

Contràriament a çò que semblava d’esperar lo govèrn catalan, lo president Macron refusèt dins son parladís de sosténer l’oficialitat de la lenga catalana dins l’Union Europèa, en la presentant coma un afar intèrne espanhòl: “Me perdonaretz de me refugiar darrièr un principi simple, de parlar pas de la vida politica de mos amics”, çò respondèt a una question. Ramentem ça que la que lo president Macron es tanben coprince d’Andòrra, dont la sola lenga oficiala es precisament lo catalan, e que lo catalan patís en Catalonha Nòrd, coma l’occitan e d’autras lengas endacòm mai, una repression lingüistica volguda per l’estat francés.


 
 
 
 
 
 


abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Nom o Pseudonim
8.

#6 Non. Es pas çò que pensi. Pensi que lo nacionalisme catalan es legitime. Per contra, pensi que sèm minoritàris aicí en Occitània, vos o ieu, de díser que se cau maufisar del supremacisme francés e espanhòl, es a díser que predicam un pauc dins lo vuèit, primièra causa. E en seguida, justament, la dinamica del catalanisme es un argument per l'Estat supremacista francés de trucar sus nos, en mai d'aquò pr'amor de la paur del "separatisme" ambe lo sosteng de la majoritat del estatjans d'Occitània !!! çò que cal far : assumir çò que sèm, assumir la nòstra identitat occitan, tant per la lenga que de tot autre biais, mas sens evocar l'opcion separatista !

Assumir son identitat, es quicòm de positiu en Exagonia, qu'un tipe se ditz Basc, Breton, Còrse o Occitan, e quitament que cerca de preservar se lenga, es apreciat.

Per contre, çò que fa paur, es "lo separatisme". E justament : lo catalanisme es l'argument de nòstres adversaris jacobins : "E vedètz ?!! aquesles arganhòls fan mina de sonque denonciar un se-disent assimilacionisma... La vertat, es qu'en realitat son d'afroses separatistas que s'amagan darrèr una ipocrita defensa de lor lenga !!! conclusion : ambe los Catalans, òm vei ont mena la defensa de las lengas istoricas : al separatisme !!! es maluros, mas es atal : per salvar l'unitat del país, sèm obligats de combatre los identitaris regionalistas, los cas Cataaln en Espanha es la pròva evidenta que la conservacion de las identitats, de las lengas regionalas, menan malastrosament al separatisme" ...

Vaquí : defénder sa lenga, son identitat, Occitana, Basca o Bretona, es quicòm de globalement popular e positiu en França : cal contunhar dins aquesta dralha, cal pas aver paur de s'assumir publicament Occitans per far fàcia au supremacisme francés.

S'asumir Occitan, es positiu. Per contra, es lo separatisme que fa paur.

E doncas, per justificar l'assimilacionisme, sufís a l'Estat jacobin de mostrar lo cas catalan : "e vedètz ont no mena la polida preservacion de la lenga catalana ??? AL SEPARATISME !!! comprenètz plan que, vist aquò, sèm un pauc obligats de pas tolerar la diversitat en çò nòstre"...

  • 2
  • 0
carles països catalans
7.

el catalanisme está perdent adaptes ja que és incompetent, agrassiu i més ESTÀ MOLT DIVIDIT.
Ni Espanya, ni frança, NI TAMPOC ELS QUIMÈRICS PAÏSOS CATALANS.
el procés està mort, li falta l'estocada final que vindrà.
milers de jóvens catalans estàn farts i se n'adonen que dins espanya sempre han estat millor

  • 0
  • 0
Los que se colcan pas mai
6.

#3 Çò respondèm al Macron : "Fin finala, del fin fons del país nòstre estant, ne nos maufisavem pas tròp d'aquesta question supremacista castelhanofrancesa... Mas vesèm qu'aquò pòt èstre dangierós per la subrevida de 9 pòbles diferents ! Val melhor far en sòrta de suprimir tot factor d'assimilacionisme en "França" e en "Espanha", e nos demandam se, justament, la supremacia del castelhan e del francés ne serián pas, assimilacionistas : d'aqueste vejaire, anirà melhor per las nacions sense estat quand los darrièrs promotors franceses e castelhans, supremacistas efectius, seràn mòrts del tant que son pegasses e nocius pel patrimòni global de l'umanitat. I anam trabalhar."

A qué pensavatz ? A vos colcar coma carpetas al pè de los que despuèi uèit sègles ja nos trepejan l'esquina ? Original… E fins ara, podèm constatar aquaquò a fòrça plan fructificat ! Los Catalans ne pòdon préner la leçon, pecaire…

  • 2
  • 0
Axe Paris-Madrid
5.

Del temps qu'al seu lo mond romèga de pus en pus, lo Macron s'entrèva de venir a Barcelona renforçar l'axe Paris-Madrid idem qu'un Putin venent en Bielorussia s'assegurar de la complicitat biaissuda del païs-fraire a plan manténer son bestial. Fins a quora ?

  • 8
  • 1
Nom o Pseudonim
4.

La dinamica de l'independentisma catalan es lo milhor argument per l'Estat francés d'aver una politica linguicida (se l'òm fa l'amalgama entre "pratica de la lenga" e "sentiment nacional que se pòt mudar en volontat separatista".

D'un autre caire, se pòt tanben pensar que i a pas res a esperar de l'Estat francés : los que resistan a l'assimilacionisme francés (per exemple los que son estacats a la lenga occitana), dèben admetra que la sola faiçon d'escapar a una francizacion totala... es justament l'opcion separatista !

En esparar qu'una Occitània separada de França aurà una politica occitanifila, çò qu'es quitament pas ganhat !!! La pròva : existís jà un Estat occitan completement independent de França (Monaco), e donc que podriá promòure la lenga occitana sens aver a demandar la permission a París. Pr'aquò, o fa pas ! Monaco s'en fot de l'occitan coma de sa primièra camisa !!!

Aquò pròva que lo separatisma es pas tanpauc la solucion absoluda, se doman per asard Occitània o una region d'Occitània deven independenta de Frànça... E be es quitament pas garantit qu'aja una politica occitanofila !!! aqueste novèl Estat se pòt tot-a-fèit s'autoproclamar "République Démocratique de France méridionale" e ne voler que lo francés coma sola e unica lenga oficiala !!!

  • 7
  • 5

Escriu un comentari sus aqueste article