Bandièra01 1180x150: Comuna de Tolosa

Actualitats

Lo Parlament Europèu a levat l’immunitat parlamentària a la cap de l’ultradrecha francesa Marine Le Pen

| Rémi Noyon
Lo Parlament Europèu a retirat l’immunitat parlamentària a Marine Le Pen, cap de l’extrèma drecha francesa e eurodeputada, çò que permetrà de menar a tèrme lo procès judiciari dobèrt contra ela. L’Eurocambra a seguit la demanda del parquet de Lion (Arpitània) que la vòl entendre en una enquèsta per “incitacion a l’òdi racial”.
 
Le Pen comparèt las pregàrias dels divendres dels musulmans dins d’espacis publics a l’ocupacion nazi de França pendent la Segonda Guèrra Mondiala.
 
Los discorses de Le Pen contra la comunautat musulmana de l’estat francés son fòrça abituals, mas lo tribunal considèra qu’en aquel cas a passat l’òsca.
 
Le Pen poiriá èsser inabilitada per ocupar una carga publica o, quitament, poiriá pagar una multa de fins a 45 000 èuros.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lutz
11.

Compreni çò que ditz Pèire Cardenal «es un punt de vista, una opinion qu'es pas encara condemnada per lei tribunaus», quitament se tròbi la paur de l'immigracion e de l'islam completament colhona, es pas qu'una opinion. E las marridas opinions se combaton amb de las bonas, e non pas al tribunal.
Senon, es la fin de la libertat d'expression. Cohn-Bendit votèt contra aquela fin de l'immuninat, per aquela rason, e òm li pòt pas reprochar d'èsser amic amb «la blondassa».
Qu'es aquela esquèrra que nos diz que pensar ? Pèire Cardenal coma «la blondassa» an lo dreit inalienable a la conariá : lo dreit de pensar e de dire de conariás.

E soi complètement d'acòrdi amb lo Terric Lausa quand nos dit : «Aquesta accion judiciària contra Le Pen serà completament contra-productiva e farà progressar a l'encòp lo sentiment anti-islam e sustot farà créisser l'ocupacion ideologica d'Occitània pel franco-nacionalisme.»

  • 1
  • 0
Jacme Tolosa
10.

cresi que l'avenguda es de mai en mai granda pel vòt FN ... l'elitacracia republicanista francesa (qu'esquata a Brussèlla), dèu pas saber quin pont, viaduc, fan aquí a la promocion del FN !

  • 1
  • 0
Julien 'Rbanats
9.

#6 Bordèu St Mich by night, es pas lo Bronx ! M'i soi passejat mantuns còps, damb mantunas personas o solet e dens mantuns estats, vestit damb camisa blanca e caucaduras vernidas o vesta traucada e jeans tot poirit, e n'èi pas jamei avut de chepics.
Manca un còp, damb dus CRS...

  • 3
  • 0
peir joan masdiset parentís de bòrn, fila 8, escalèira F
8.

#castèths es pas una istòria de tot negue o tot blanc. es un testimoniatge, pas una vertat absoluda. vivut 3 ans e passat hòrt mei de temps encara a St Miquèu Bordèu, e nat problèma, pas jamei, dias de mercat com nuits plan entamiadas. E mensh encara de pregàrias de rua (èra aquò lo subjècte). Los barbuts existissen, aquò's solide, mès per ma part m'an pas jamei hèit de degrèus. Empacha pas d'èster filosoficament contra la soa religion - egau com contre totas las autas, aquò's clar.

  • 2
  • 1
Robert Lauragués
7.

Mandela morís pendent en cò nòstre me cal veire coma d'autentics ignorants vencuts e colonizats tomban dins lo discors xenofòb de l'empèri colonizaire.

D'occitans francisats e mondialisats an paur d'una islamizacion del país... L'empèri a capitat. Per que lo pòble se rebèlle contra los manaires an cercat un enemic exterior, los immigrants. Aquela es la sola rason del racisme de la xenofobia.

Son los franceses legals los que me fan paur a ieu. Aqueles que mespresan ma lenga, ma cultura e mon país; aqueles que manifèstan contra los omosexuals (e quitament los tustan).

Amics musulmans de mon país, ajudatz-nos combatre aquela intolerància. L'empèri que vos a colonizats e vos a menats ont sètz, es lo meteis que nos colonizèt a nosautres. Nosautres sèm ja alienats, urosament vosautres pas encara.

  • 4
  • 0

Escriu un comentari sus aqueste article