Bandièra01 1180x150: Comuna de Tolosa

Actualitats

Mòrt de François Léotard, politician provençal de portada estatala

Foguèt ministre pendent las doas coabitacions de la presidéncia de Mitterrand

Mòrt de François Léotard, politician provençal de portada estatala
Mòrt de François Léotard, politician provençal de portada estatala | wikimedia

Tèxte legit

Es mòrt a 81 ans François Léotard, òme politic provençal de portada estatala. Fraire de l’actor e cantaire Philippe Léotard (1940-2001), foguèt ministre pendent las doas coabitacions de la presidéncia de Mitterrand, tenguèt lo pòrtafuèlha de la cultura entre 1986 e 1988 jol govèrn Chirac e lo de la defensa entre 1993 e 1995 quand Balladur èra primièr ministre. Assumiguèt tanplan la presidéncia del Partit Republican puèi de l’UDF dins los ans 1990, mas finiguèt qu’abandonèt la politica, tant per de condemnacions per de faches de corrupcion coma per la vòlha de se consagrar a l’escritura.

D’originas a l’encòp còrsas e occitanas, reconeguèt en 2011, dins una entrevista al quotidian Corse-Martin, qu’aviá crescut entre lo provençal, lo còrs e lo francés.

Lo decès de Léotard l’anoncièt dirèctament lo president francés, Emmanuel Macron, suls rets socials. En 2022, lo politician occitan l’aviá sostengut a la presidenciala.

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article