Bandièra01 1180x150: Comuna de Tolosa

Actualitats

L’UE vòl metre lo ponch final a l’obsolescéncia programada

Tanben vòl enebir l’etiquetatge que marca la sostenibilitat d’un produch se de pròvas scientificas o demòstran pas

La proposicion de la Comission Europèa vòl metre lo ponch final a l’obsolescéncia programada e encoratjar la reparacion dels produches en luòc de los remplaçar
La proposicion de la Comission Europèa vòl metre lo ponch final a l’obsolescéncia programada e encoratjar la reparacion dels produches en luòc de los remplaçar | socialistsanddemocrats.eu

Tèxte legit

Lo Parlament Europèu a balhat son autorizacion a la proposicion de la Comission Europèa que vòl metre lo ponch final a l’obsolescéncia programada e encoratjar la reparacion dels produches en luòc de los remplaçar. Lo vòte se tenguèt dijòus a Estrasborg e s’impausèt la proposicion per 544 vòtes en favor, 18 contra e 17 abstencions. Dins la sesilha, los eurodeputats reclamèron tanben d’enebir l’etiquetatge que marca la sostenibilitat d’un produch se de pròvas scientificas o demòstran pas.

Quant a l’obsolescència programada, lo Parlament Europèu refusa que los produches se concépian amb de caracteristicas que ne redugan la vida utila, e vòl enebir als productors de limitar lo foncionament d’un produch quand s’utiliza d'accessòris o de pèças elaboradas per d’autras societats.

A mai, prepausan un nòu biais d’etiquetatge qu’indique non solament las garentidas legalas dels produches, mas tanplan las possiblas extensions que las prepausan los productors. Assolidan qu’un etiquetatge d’aquela mena “metriá en valor los produches de qualitat e seriá un estimulant per las entrepresas que se voldrián destriar per la durabilitat.

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article