Actualitats
Tolosa a commemorat la Carta de las Libertats Comunalas
A l’ocasion del 836n anniversari de la naissença de la Republica de Tolosa
Tèxte legit
La vila de Tolosa commemorèt divendres passat lo 836n anniversari de la signatura de sa carta istorica. D’efièch, lo 6 de genièr de 1189, lo comte Ramon V autregèt los poders civils al pòble de Tolosa, après una revolucion borgesa. Lo poder lo prenguèron los capítols, los dotze oficièrs municipals de la Ciutat Mondina que bastirián lo Capitòli. La Republica de Tolosa representèt lo pòble tolosan fins a sa dissolucion pendent la Revolucion Francesa.
A l’ocasion d’aquel anniversari, la Sala dels Illustres del Capitòli de Tolosa aculhiguèt una ceremònia de commemoracion amb la participacion de la comuna de Tolosa.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Non ai gaireben jamai ausit un tal sosten public a l'autonomia dins un bastiment oficial francés" E alara ? De que cambia ?Avètz doncas sentit lo buf arderos e embriagaire de la revolta grandassa qu'es a mand de far plegar França per l'obligar
lèu-lèu a donar l'autonomia totala a Occitània, vertat ? Tsss....Tsss....Tsss...
Comprengui pas perqué n'i a que disen que seré "folcloric". Es una manifestacion qu'a una portada politica evidenta, que bota en question l'imatgeria franchimanda de l'istòria, que torna brembar que la vila estoc autonòma i a bèra pausa e que pòt presentar un exemple peu futur, un futur hèit d'autonomia, de democracia dirècta (los Capítols convocavan Amassadas Generalas) e sustot deu refùs de l'arbitrari, coma foncionava la societat capitolària.
L’expression dels calandrons del collegi sul tema de las libertats comunalas èra clarament contrari al dògma jacobin. Non ai gaireben jamai ausit un tal sosten public a l’autonomia dins un bastiment official francés. Son los mèdias francés que me semblan folclorics, amb lor dògma del dangièr de l’autonomia per l’égalitat.
Cal de tot per far un monde, e lo moviment occitan es pas monolitic. Cal èsser pertot ont se pòt èsser. Tant qu'i podèm èsser es que sèm pas mòrts, non?
Fa plan plan plan longtemps, ailà dins las annadas setanta, l'occitanisme que se proclamava alara coma lo vam de la modernitat incarnada se trufava del felibritge passeista e de son folclorisme ringard. Uèi, al sègle 21 a que se resumis aquela idèia occitana ? A un banal folclorisme inofensiu e brave tot plen, entretengut ribon-ribanha per un manat de vièlhs. Amb aquesta enièma commemoracion istorico-folclorista n'avem aqui una pròva de mai.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari