CAPÇALERA PAIS INVISIBLE

Actualitats

crotz-tolosaCreated with Sketch.LengadòcLengadòc NautTolosan

Tolosa: los trabalhadors de las bibliotècas en cauma contra l’austeritat

Uèi convòcan una mobilizacion davant lo sèti de Tolosa Metropòli, amb la tòca de refortir l’unitat sindicala e ciutadana contra las politicas d’austeritat

Tolosa: los trabalhadors de las bibliotècas en cauma contra l’austeritat
Tolosa: los trabalhadors de las bibliotècas en cauma contra l’austeritat | Révolution Permanente

Tèxte legit

Dempuèi lo 5 de decembre, los trabalhadors de las bibliotècas municipalas de Tolosa se mobilizan contra las copaduras budgetàrias impausadas pel cònsol màger Jean-Luc Moudenc. La protèsta respond a la supression de contractes e a la reduccion radicala del budget de personal, e afècta lo foncionament de divèrsas bibliotècas de quartièr.

Amb d’assembladas generalas e divèrsas jornadas de cauma, los bibliotecaris an capitat a mobilizar fins a 150 trabalhadors en una sola jornada e lo sosten d’autres sectors en lucha. Reclaman la readmission dels contractats afectats, la fin de la politica d’austeritat e la defensa dels servicis publics, çò rapòrta Révolution Permanente.

Concretament, los caumaires exigisson lo renovelament dels contractes dels 16 trabalhadors en CDD non renovelats, aital coma lor titularizacion per garentir lor estabilitat. Reclaman tanben de revirar la reduccion del 75% dins lo budget d’embauchatge. S’opausan a las politicas d’austeritat impausadas per la comuna, ne demandan l’arrèst, mai que mai en cultura e educacion, e refusans la reforma dicha Proxima, qu’empejora las condicions de trabalh dins lo sector public. Defendon un servici bibliotecari de qualitat, amb totas las bibliotècas dobèrtas e sens limitacions per manca de personals.

Uèi, dimars 4 de febrièr, convòcan una mobilizacion davant lo sèti de Tolosa Metropòli, amb la tòca de refortir l’unitat sindicala e ciutadana contra las politicas d’austeritat.

 

 


 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Lachaud
1.

La crisa economica es aqui e los licenciements van començar un pauç pertot.
Las gens son obligeats de se pausar de las questions e forçadament en far portar la responsabilitat sur la politica d'aquelas darrieras annadas, que siaja de dreicha, d'esquerre o dau centre.
Lo cambiament es en marcha. Pòrtara sur tots los aspects de la vita e pas solament sur l'austeritat. A nos de pensar autrament.
A de que sert la tecnologia si quò es per poluar, asservir las gens, far de las guerras emben de las machinas de pus en pus meurtrieras per las populacions coma per l'environament o la planeta?
Qitttam aquela societat que nos ensarra a pus poder aver de libertat en prumier la libertat de pensar. Drubam la pòrta a las ideias que son deja en germe dins chascun(a) d'entre nos.
A de que sert l'ensenhament si quò es per se copar de la realitat economica, sociala, culturala e si quò permet solament de trobar daus bras intelectuaus per las grandas multinacionalas.
Quitam la societar de l'aver (aver de machinas coma de machinas, una bona santat, una bona literratura, aver e enguera aver). Quitam la societat dau far, far puei desfar e tornar far.

Entram dins la societat de l'esser (esser uros, rendre l'autre uros, esser en bona santat)!

  • 7
  • 1

Escriu un comentari sus aqueste article