Bandièra01 1180x150: Comuna de Tolosa

Actualitats

Manifestacion multitudinària a Bilbao contra la persecucion d’Herrira

De representants de l’esquèrra independentista basca e qualques detenguts an participat a la mobilizacion en favor del movement de defensa dels presonièrs politics

De desenats de milièrs de personas manifestèron dissabte de ser per carrièras, a Bilbao, per denonciar l’operacion policièra contra lo movement Herrira, que sosten los dreches dels presonièrs bascos. Demest los manifestants i aviá los dètz e uèch detenguts, qu’en fin de setmana foguèron meses en libertat, e de representants de l’esquèrra abertzale, dont lo deputat general de Guipuscoa, Martín Garitano.
 
Los vint e un deputats d’EH Bildu quitèron divendres lo plen del Parlament basco en protèsta contra l’operacion e participèron a l’acamp convocat a Vitòria. De son costat, l’avocat d’Herrira, Aiert Larrarte, denoncièt que lo tribunal estatal espanhòl, nomenat Audiéncia Nacionala, aviá procedit a una “illegalizacion de facto” de l’entitat perque decretèt la paralisi de sas activitats per los dos ans que venon.
 
Catòrze dels dètz e uèch detenguts, en l’operacion contra Herrira, foguèron liberats dijòus passat après comparéisser davant lo jutge. Qualques unes deguèron pagar una caucion de 20 000 èuros per poder sortir en libertat.
 
Lo jutge de l’Audiéncia Nacionala espanhòla, Eloy Velasco, responsable de l’operacion, lor manten a totes las cargas de promocion del terrorisme, e mai d’integracion e de finançament d’una banda armada. De mai, lor a enebit de sortir del territòri estatal e los obliga de comparéisser cada doas setmanas.
 
Velasco a ordenat tanben de suspendre totas las activitats d’Herrira pendent dos ans, que pòdon èsser prorogats, e mai de barrar sas sedenças, sos comptes bancaris, son sit web e sos comptes dels rets socials.
 
Lo Ministèri de l’Interior espanhòl ditz qu’Herrira es l’organizacion “prèpa d’ÈTA amb mai de capacitat de mobilizacion e d’activacion sociala” e considèra que dempuèi que se creèt, a assumit “los objectius, l’estructura, las foncions, los metòdes e los procediments de finançament, l’iconografia e la trama comunicativa que menavan a tèrme las Gestoras Pro Amnistia-Askatasuna”, d’ancianas associacions de sosten als presonièrs, uèi illegalizadas.
 
La gàrdia civila despleguèt un dispositiu fòrça grand, amb de veïculs tot terren e de camionetas, e mai qualques desenats d’agents. Los avocats an demandat d’explicacions per una accion talament violenta, amb d’irrupcions en armas dins las sedenças e de detencions de tres jorns dins las dependéncias de la gàrdia civila.
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Euskal Herriko zalea Iruinea
3.

#2 Très bonne analyse, bravo!
Madrid a une peur bleue des sécessionismes catalan et basque. Ils utiliseront tous les moyens pour discréditer la lutte légitime de ces deux peuples. Vous avez raison, le nationalisme basque actuel est d'essence marxiste alors que les Catalans sont plutôt de centre droit, sociaux démocrates. Je pense néanmoins que les Catalans sont plus proches du but que les Basques, même si je ne suis pas convaincu que, dans les deux cas, un référendum déboucherait sur une demande d'indépendance.
Dans le cas contraire, la plupart des pays européens, France en tête, ne reconnaitrait pas ces indépendances, le précédent serait trop dangereux.

  • 0
  • 0
Ernèst Guevara Jr. L'Avana
2.

#1 Qué vòl l'estat castelhan ? Mon car Dàvid Gilmor, aquò's plan simple, Aquel estat non vòl pas perdre 80% del sieu sacrosant PIB en perdent Catalonha e Euskadi a l'encòp… Totes los mejans de descoratjar lo procèssus son bons a préner. En mai d'aquò, en contràriament al movement independentista catalan, l'independetisme euskal es radicalament ancorat a esquèrra ; ai plan dit "a esquèrra", e non pas a sabi pas quina "social-democracia" d'opereta europèa… Doás rasons d'aver páur del pòble basc, mai que mai quora la rason es dins son camp, indiscutiblament, e qu'Espanha pòst)franquista es a las angónias.

Lo balanç es aqueste : Castilha s'enriquiguèt en arrancant totas sas riquesas als pòbles sud-amerindians. Quora la mana s'estanquèt, s'apauriguèron, lentament, mas inexorablament. Mentrestant, e per diluïr sas originalitats respectivas, volguèron negar Euskadi e Catalonha jos una marèa de man-d'òbra castelhanofòna (politica franquista) : aquò acabèt d'arroïnar Castilha e d'afortir los nòstres dos pòbles amics. E coma Basques ni Caralans son pas de vèrmis reptants jos la sòla d'aquel que los volguèt sosmetre, ara se lèvan e d'autoproclaman sobeirans. Ja que se los Catalans obrisson la marcha, los Basques tardaràn pas per seguir lo meteis camin. Qué demorarà a Castilha ? O se botarà al trabalh, o s'anarà quérrer endacòm ai qualque novèl El Dorado de sagatar… Lor i desiri bona sòrt !

  • 4
  • 0
pimflòid
1.

Ne compreni pas las motivacions de l'estat espanhòu. Qué vòu?

ETA qu'a pausat las armas, non?

A las darrèras novèlas, ETA qu'èra vadut un moviment aflaquit per la soa luta dab l'estat espanhòu, dab chic de monde, e sustot joens au son dehens...

Ei crededèra, l'acusacion d'entrepresa terrorista per Herrira?

  • 7
  • 0

Escriu un comentari sus aqueste article