Coma Bill Gates, fondador de Microsoft, pòt èsser considerat un gèni de l’informatica, Magnus Carlsen pòt tanben intrar dins la categoria dels gènis dins un autre terren ont las matematicas an un pes important: los escacs. Aquel jove norvegian n’es a l’ora d’ara lo melhor jogaire, e Gates o poguèt verificar amb estonament fa qualques jorns. Los dos joguèron una partida e lo campion n’aguèt pro amb setanta una segondas per arribar a l’escac e mat.
 
Bill Gates, amb un quocient intellectual de 160, poguèt téner un pauc mai d’una minuta de partida, e mai se Carlsen (actual campion mondial d’escacs e amb un quocient de 186), de verai, aguèt besonh sonque de dotze segondas per lo véncer.