Actualitats
Los bonets roges an presentat lors 11 revendicacions als Estats Generals de Bretanha
Lo movement dels bonets roges faguèt dissabte passat, a Montroulez (Bretanha), d’Estats Generals de Bretanha. Lai presentèron onze “revendicacions far” que vòlon far entendre al president de França, François Hollande. Li demandan de “venir en Bretanha sens tardar” per escotar aquelas revendicacions que lo colleciu Viure e Trabalhar en Bretanha presentèt davant una sala plena de 3500 personas, segon 7Seizh.
Demest aquelas revendicacions se demanda que lo breton siá lenga oficiala, que Bretanha aja sos mèdias pròpris e que lo país siá unificat segon sa frontièra istorica. Se faguèt tanplan una crida a una manifestacion de granda envergadura a Nantas lo 19 d’abril, per exigir lo restacament del departament del Léger Atlantic a la Bretanha administrativa actuala.
La revòlta que comencèt en Bretanha contra l’ecotaxa a recuperat de simbòls istorics per s’identificar, coma lo bonet roge tradicional dels bretons, que caracteriza aquela contestacion dempuèi novembre passat. Aquel bonet emplegat pendent de sègles, qu’a passat temps lo portavan los païsans, es vengut un simbòl d’identificacion bretona, de còps un simbòl nacionalista, utilizat per de milièrs de personas per exprimir lor malcontentament envèrs París e sas mesuras fiscalas.
Demest aquelas revendicacions se demanda que lo breton siá lenga oficiala, que Bretanha aja sos mèdias pròpris e que lo país siá unificat segon sa frontièra istorica. Se faguèt tanplan una crida a una manifestacion de granda envergadura a Nantas lo 19 d’abril, per exigir lo restacament del departament del Léger Atlantic a la Bretanha administrativa actuala.
La revòlta que comencèt en Bretanha contra l’ecotaxa a recuperat de simbòls istorics per s’identificar, coma lo bonet roge tradicional dels bretons, que caracteriza aquela contestacion dempuèi novembre passat. Aquel bonet emplegat pendent de sègles, qu’a passat temps lo portavan los païsans, es vengut un simbòl d’identificacion bretona, de còps un simbòl nacionalista, utilizat per de milièrs de personas per exprimir lor malcontentament envèrs París e sas mesuras fiscalas.
| fffff | fffff | |
| Las 11 revendicacions dels bonets roges per Bretanha — Manténer la gratuitat de las estradas en Bretanha e suprimir definitivament l’ecotaxa. — Liberar las energias e sosténer l’emplec per l’aleujament de las cargas e de las constrenchas administrativas. — N’acabar amb lo dumping social e las distorsions de concurréncia en Euròpa. — Relocalizar las decisions e los poders economics en Bretanha. — Desvolopar d’infrastructuras e de mòdes alternatius de transpòrt amb un reequilibratge oèst-èst. — Apropriacion pels bretons de la filièra energia e desvolopament de las energias renovelablas. — Relocalizar la finança. — Oficializar la lenga e la cultura bretonas. — Refortir l’experiment, lo dialòg, la transparéncia e la convivéncia en Bretanha. — Dotar Bretanha de sos mèdias audiovisuals e numerics pròpris. — Una Bretanha fòrta amb cinc departaments, amb relocalizacion de las decisions politicas. | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
qu'ei plan ?
liberar las energias ? que vòu díder aquò, ne serí curiós : daubrir la pòrta aus gas d'esquist o au nucleari ? o lavetz ic fau legir au figurat, benlèu, e lavetz aquò pud au pojadisme mausan.
me mes·hidi tostemps d'aqueths que se planhen de las constrentas administrativas : lèu-lèu n'arriban a denonciar lo còdi deu tribalh o tot çò que'us empacha de hèser mei dinèirs shens digun s'i pusqui opausar.
'questas revendicacions, las trapi un chic forra-borra, parlan de tot e d'arren, e sentís hòrt la lista de doleàncias personalas, damb aquera carga contra l'ecotaxa en purmèira linha. e pertant, serí pro favorable a l'autodeterminacion de bretanha, com de tots los auts publes. mès aquí, me sembla pas que siin dens aquesta dralha.
Qu'ei plan!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari