Bandièra01 capçalera  1180x150: Botiga

Actualitats

crotz-tolosaCreated with Sketch.GuianaAgenésSèrras d'Agenés

Sesquicentenari de la mòrt de Gensemin

En Joan Rigosta que recep lo prèmi de las mans del prefècte d’Òut e Garona
En Joan Rigosta que recep lo prèmi de las mans del prefècte d’Òut e Garona
Los sòcis de l’associacion  Agenés Tèrra Occitana pòdon èsser satisfaches per çò qu’an capitat una escomesa dificila, la de festejar e de far partejar lo sequicentenari de la mòrt del poèta perruquièr, Gensemin.
 
Dos eveniments marquèron la darrièra jornada (dimenge 15) de las manifestacions que li èran consacradas: la ceremònia del sovenir a la catedrala Sant Caprasi d’Agen e la del Gensemin d’Argent jos l’egida de la societat eponima.
 
La catedrala coneguèt una polida afluéncia per la messa celebrada per l’Abat Passerat, majoral del Felibrige, amb la participacion de la corala del Gadalòc, del tenor Christian Moulié e de l’organista titular, Jérôme Chabert.
 
Un trentenat de personas assistissián, en fin de matinada e lo tantòst, a la comuna d’Agen, dins la Sala dels Illustres, a la ceremònia del Gensemin d’Argent, presidida per Dòna Cocula, professora emerita a l’Universitat Miquèl de Montanha-Bordèu 3, ceremònia ont lo cònsol d’Agen vantèt las “identitats multiplas” que caliá preservar…
 
Los premiats del Gensemin d’Argent:
 
— francofòn: Signor Giovanni Dotoli (italian)
— lenga francesa: Na Viviane Perez-Ouspointeur
— lenga catalana: En P. Charbonnié
— lenga occitana: En Joan Rigosta
 
 
 
 
Andriu de Gavaudan
L’Abat Passerat e l’assisténcia a la catedrala Sant Caprasi d’Agen
L’Abat Passerat e l’assisténcia a la catedrala Sant Caprasi d’Agen

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article