Bandièra01 1180x150: Comuna de Tolosa

Actualitats

Lo Curdistan d’Iraq farà un referendum d’independéncia

O anoncièt dimars lo president de la region a la BBC

Lo president de la region curda d’Iraq, Mesûd Barzanî, assegurèt dimars passat a la BBC que lo sieu objectiu es l’independéncia: “Podèm pas contunhar sens avenir”. Barzanî a dich que faràn un referendum per saber se l’independéncia a lo sosten de la populacion: “O decidirai pas ieu, farem un referendum per saber çò que ne pensan las nòstras gents: respectarem lor opinion. Serà pas solament pels curds mas per totes los ciutadans”.
 
Lo cap curd concretizèt: “Pòdi pas dire una data exacta mas serà dins los meses avenidors. Nos en cal acordar al parlament”.
 
Barzanî afirmèt que la populacion curda participariá a la recèrca d’una solucion per la crisi grèva qu’afècta Iraq a l’ora d’ara. Fa doas setmanas, los jihadistas sunnitas provoquèron una seguida d’atacs e ara ja contraròtlan divèrsas zònas del país. “Iraq ara es ja partit, en practica”, çò diguèt Barzanî, ça que la, el assegura que lo sieu objectiu es l’independéncia.
 
“Lo nòstre estat nòu conviurà amb los vesins en patz e volèm pas èsser una menaça per degun”. Curdistan compren tanben de regions de Siria, d’Iran e de Turquia, mas lo referendum implicariá solament la region que fa partida a l’ora d’ara d’Iraq.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Maria I. Montserrat L'Arboç (Penedès, Catalunya)
2.

Barzani ara diu que és independentista
https://twitter.com/VilaWeb/status/484643244975063040/photo/1

  • 0
  • 0
Ernèst Guevara Jr. L'Avana
1.

Los Americans son pas d'accòrdi, ni los Franceses, ni los Castilhans. Pr'aquò, anatz saber perqué, los Russes de Crimèa, los Escosseses e los Catalans, si que son d'accòrdi ! Anatz saber perqué… Fontan es pas mòrt : un pòple, una lenga, un estat…

  • 5
  • 0

Escriu un comentari sus aqueste article