Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasBesierés

L’archevesque de Besièrs desautoriza lo prepaus del cònsol sus la messa

| Aure Séguier
Corrida, messa e cònsol ultradrechista. Aquò poiriá semblar un imatge de l’Espanha franquista, mas s’agís de la fèsta taurina de Besièrs, nomenada Fèria, que dins son edicion d’ongan, lo vicari episcopal, Luc Jourdan, i a mes en question las afirmacions del cònsol FN, Robert Ménard, que se felicitava d’aver “democratizat la messa”. Lo prèire exprimiguèt sas resèrvas sul succès de la messa inaugurala de l’edicion de la Fèria 2014, segon çò que publica Midi Libre.
 
“Pensi pas que los ciutadans besierencs, catolics compreses, espèresson de lor novèl cònsol  «una democratizacion de la messa»”, çò diguèt lo prèire, qu’apondèt que “lo culte catolic deu pas èsser instrumentalizat”.
 
Monsen Jourdan remembrèt tanben que la preséncia de la messa dins las arenas besierencas se deviá per la “pena de la Glèisa d’acompanhar las personas dins lors activitats umanas”, mas insistiguèt que “lo culte catolic deu pas èsser instrumentalizat coma un sosten incondicional a la corrida. Respectam lo pluralisme d’opinion sus aquesta activitat controvertida”.
 
En mai dels espectacles de taures, la Fèria de Besièrs ofrís de concèrts, d’espectacles e d’animacions ont quitament i a un Vilatge Occitan amb los estands dels actors culturals e economics de l’occitanisme.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article