Bandièra01 1180x150: Comuna de Tolosa

Actualitats

“Pas en mon nom”: los musulmans se mobilizan contra l’Estat Islamic

| Murtaza Ali Shah
“Not in my name” (pas en mon nom), es lo nom de la campanha d’Active Change Foundation, una organizacion britanica de joves musulmans que refusan los crimes de l’Estat Islamic e planhon que se sián comeses en nom de la fe islamica.
 
“Aqueles terroristas de l’Estat Islamic son pas de musulmans vertadièrs, seguisson pas los verais ensenhaments de l’islam coma la patz e la compassion, son d’enemics de l’umanitat”, çò expliquè Hanif Qadir, fondador de l’organizacion segon çò que publica Libération.
 
Qadir a tanben un messatge pels aspirants jihadistas: “Perpensatz! Podètz pas èsser mai alonhats de la vertat. Tornatz als libres, tornatz a l’Alcoran”, çò ditz.
 
La campanha es venguda virala sus Twitter e seguida mai que mai per de musulmans que se reconeisson pas dins l’Estat Islamic.
 


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Guilhabèrt de Castre Montsegur
3.

Tanpauc la conquista sanguinosa d'Occitània de las mans del font catolicista en Occitània e en Occident, menadas per de fantatics franceses (mas pas sonque franceses, qu'unes Occitans dintrèron tanben dins aquel moviment terrorista, coma Folquet de Marselha) o faguèron pas al nom dels crestians occitans. Mas o faguèron. E ne crebam. Not in my name…

  • 1
  • 0
Pirolet
2.

E lo ministre turc qu'enebis a las femnas de rire es un musulman vertadièr? Cal creire que d'aquesta passa a Turquia i a pas de problèma pus grèu qu'aqueste. Lo profèta se deu regaudir.

  • 3
  • 2
Cristian FORMENT AGEN
1.

Aquí podèm dire òsca ! a l'informator sens cercar, coma sovent, a lo flatejar.
E sustot bon vam als amics musulmans dignes de o èsser.

  • 3
  • 2

Escriu un comentari sus aqueste article