Actualitats
L’SNCM cèrca de licenciar la mitat del personal
Segon los sindicats, las retalhadas previstas poirián tocar entre 800 e 1000 emplecs
Dimars passat se pausèt tornarmai la question de l’avenir de l’operator maritim Societat Nacionala Corsega-Mediterranèa (SNCM). Se debanèt una reünion entre los representants de la direccion, del personal, de l’estat francés e d’un mediator financièr. Segon los sindicats, Transdev, l’accionari principal de la companhiá, prepausèt de reduire los salariats a la mitat, çò rapòrta France Info.
Segon los sindicats, las retalhadas previstas poirián tocar entre 800 e 1000 emplecs. A l’ora d’ara l’SNCM compta 2000 salariats que 400 son emplegats jos contracte de durada determinada.
Dins aquela reünion, la direccion de l’SNCM presentèt un nòu “esquèma d’esplecha”, sens cap de compraire; aquò se passa dins lo contèxt de remborsament de qualques 205 milions d’èuros, que la societat los aviá recebut de l’estat francés coma ajudas e que la justícia de l’Union Europèa a declaradas illegalas.
L’SNCM nasquèt en 1969 jol nom de Companhiá Generala Transmediterranèa (CGTM), amb la tòca d’assegurar las comunicacions maritimas entre Occitània e Corsega, e tanben amb Sardenha, Argeria e Tunisia. Foguèt privatizada en 2006: l’accionariat de l’emblematica entrepresa marselhesa correspond a Véolia Transdev (66%), a l’estat francés (25%) e als emplegats (9%).
Segon los sindicats, las retalhadas previstas poirián tocar entre 800 e 1000 emplecs. A l’ora d’ara l’SNCM compta 2000 salariats que 400 son emplegats jos contracte de durada determinada.
Dins aquela reünion, la direccion de l’SNCM presentèt un nòu “esquèma d’esplecha”, sens cap de compraire; aquò se passa dins lo contèxt de remborsament de qualques 205 milions d’èuros, que la societat los aviá recebut de l’estat francés coma ajudas e que la justícia de l’Union Europèa a declaradas illegalas.
L’SNCM nasquèt en 1969 jol nom de Companhiá Generala Transmediterranèa (CGTM), amb la tòca d’assegurar las comunicacions maritimas entre Occitània e Corsega, e tanben amb Sardenha, Argeria e Tunisia. Foguèt privatizada en 2006: l’accionariat de l’emblematica entrepresa marselhesa correspond a Véolia Transdev (66%), a l’estat francés (25%) e als emplegats (9%).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari