Bandièra01 1180x150: Comuna de Tolosa

Actualitats

Lo govèrn catalan desobesís al Tribunal Constitucional espanhòl e manten lo vòte de dimenge que ven

Se “manten lo procès participatiu amb totas las consequéncias”

Lo Tribunal Constitucional espanhòl decidiguèt ièr, a l’unanimitat, de suspendre lo vòte de Catalonha e Aran del 9 de novembre que ven, mas lo govèrn de la Generalitat de Catalonha manten aquel vòte. Aital o anoncièt còp sec lo conselhièr de la Presidéncia, Francesc Homs: “Tot es prèst pel 9 de novembre e lo govèrn manten lo procès participatiu. Presentarem d’allegacions per far comprene que çò que lo Tribunal Constitucional vòl enebir o fasèm pas mai dempuèi lo 14 d’octòbre passat”. Al delà, lo president de la Generalitat de Catalonha a demandat que se reünisca lo Pache Nacional pel Drech de Decidir, qu’amassa aperaquí 800 associacions catalanas favorablas al referendum, en lor explicant que “cal avançar totes ensems”
 
“Lo govèrn es fòrça tranquil”, çò diguèt Homs, en apondent qu’ara es prioritari de “defendre totes amassa de dreches tan fondamentals coma la libertat d’expression”. Net e clar, lo pòrtavotz del govèrn catalan diguèt que manteniá “lo procès participatiu amb totas las consequéncias”.
 
Qualques minutas abans aviá parlat en public la vicepresidenta del govèrn espanhòl, Soraya Sáenz de Santamaría, en disent que se fisava del govèrn catalan per qu’obesiguèsse a la suspension. Segon Sáenz de Santamaría, “la lei obliga totes e doncas cap de governant pòt pas decidir çò qu’el complís o complís pas” perque “la lei es parièra per totes”. 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ricard Tarragona
3.

Avui votarem,per Catalunya,per la justícia per la llibertat d' expressió per la democràcia,per una Europa unida,per la igualtat,pel futur i SOBRETOT per el dret de tos els pobles a existir a defensar-se de la tirania ,i a sentir-se orgullosos de si mateixos de la seva historia ,de la seva llengua,de las tradicions, de la seva gent,el dia 10 alguna cosa haurà canviat,VISCA LA LLIBERTAT .Votarem uèi,per Catalonha,per la justícia per la libertat de expression per la democracia,per una Euròpa joncha,per l'egalitat,pel futur e SUSTOT pel drech d'estossegadera los pòbles a existir a se defendre de la tirania ,e a se sentir orgulhoses de se meteisses de la siá historia ,de la siá lenga,de las tradicions, de las siás gents,lo jorn 10 quicòm aurà cambiat,VISCA LA LIBERTAT

  • 0
  • 0
Ernest Guevara Jr. L'Avana
2.

Cal organizar a la lèsta una constitucion catalana, puèi un Tribunal Constitucional Catalan (e occitan) qu'autoriza lo referendum, l'autorizar, votar e s'escapar d'aquel infèrn a adormergir los pòbles liures… Parlan, los castelhanistas, d'un tribunal constitucionala coma se s'agissiá d'un tribunal divin. Per qué se prenon ? De juristas son de juristas, non pas de dieus dispausant de la vida e de la mòrt dels pòbles…

  • 4
  • 0
Pirolet
1.

D'aquesta passa, l'un dels temas dels mediàs exagonals es "los rebèls". De còps cal desobesir a la lei e, sabem totes qu'es çò qu'auriá degut far Papon: desobesir las leis de l'Estat Francés dins las annadas 40. Vista l'androna ont lo Raxoi a menat Espanha e Catalonha, cal desobesir a la denegacion de democracia del Tribunal Constitucional bailejat pel PP. E per veire se lo tòti d'Onfray daissa de citar lo JuanCarlos coma un rebel de tria! ("Génération Rebelles", Le Monde hors-série) Camus, òc! Lo complici de Videla, non!

  • 16
  • 0

Escriu un comentari sus aqueste article