Bandièra01 1180x150: Comuna de Tolosa

Actualitats

Un libre sus lo formatge blanc en Occitània, Aguiaina e Berrí

Aqueste libre presenta tot çò que cal saber sus lo formatge blanc dins diferentas regions del nòrd d’Occitània (Borbonés, Auvèrnhe e Lemosin) e dins las regions vesinas d’Aguiaina e Berrí.
 
L’autor, Eric Nowak, es un especialista reputat del peitavin-santongés, l’idiòma d’Aguiaina (Peitau, Santonge, Engolmés e Aunís).

Dins lo libre trobam 60 recèptas: 29 recèptas tradicionalas de diferentas regions d’Occitània e de França, puèi 31 recèptas revesitadas par Eric Nowak, sucradas o salalas.
 
I a un estudi etnografic apassionant sus los diferents tipes de formatge blanc d’Aguiaina apelats fromagés, tourteaux, petatous, grimoles, cigalés, choulas… Aqueles mots, en peitavin-santongés, pòrtan de traças evidentas de l’occitan.
 
Lo libre se termina per un estudi etnografic sus la tarta del formatge blanc, amb sas denominacions e varietats dins diferentas regions. Nos mòstra los ligams culinaris estreches entre Peitau, Berrí e las regions occitanas de Lemosin, Auvèrnhe e Borbonés. Los noms atèstan aqueles ligams. Es una pèira originala portada a la coneissença del mond occitan e de las culturas vesinas.
 
Prètz: 12,90 èuros, un present ideal per las fèstas de Calendas.

Mai d’informacions:
 
Dins Facebook.
Dins Amazon.
A la Fnac.

Se pòt demandar una dedicacion a l’autor en li escrivent a: eric.nowak2@n...

 
 
_____
NOWAK, Eric. La tarte au fromage blanc: recettes traditionnelles et revisitées. Edicions CPE, 2014

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article