Bandièra01 1180x150: Comuna de Tolosa

Actualitats

Xavier Roussel: un artista d’expression abstracha que fa passar de figuratiu

Dins lo talhièr
Dins lo talhièr
Xavier Roussel es un artista plastician autodidacta de Tolosa, qu’après aver ensajat totas las tecnicas, los supòrts e las matièras, sa causida s’es fixada sus l’acrilic embelit amb tota sòrta de matièras trabalhadas sus tela grossièra. Son tèma de predileccion es la natura umana ont, de còps, i apond un trabalh animalièr.
 
Tanben fa de trabalhs fotografics colorizats, en partissent de mesas en scèna qu’el fotografia. Puèi o retrabalha amb ordenador per donar una prigondor. Una autra facieta de son trabalh son los volums sus tablèu que trabalha qualques còps a partir de materials reciclats.
 
Roussel trabalha mai que mai sus la natura umana, dins la reflexion o dins l’emocion, en reagissent a l’actualitat e a çò qu’obsèrva dins son entorn.
 
L’expression de Xavier Roussel es abstracha, mas en fasent passar de figuratiu. Es aital que l’artista a creat un mond ont plaça son subjècte, en permetent al vesitaire de s’inventar lo sieu.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article