Drollets e Mainatjons(DEM) es una sèria de dessenhs animats qu’an realizat e mes en linha lo centre de léser afiliat a l’escòla Baiard-Matabuòu de Tolosa. En decembre passat Jornalet presentava los 4 primièrs episòdis. Ara, amb la publicacion de l’episòdi 5.1 entitolat La Torta, lo projècte d’aqueles braves escolans es a dobrir una procedura de finançament participatiu sul sit de micromecenatge Ulule.com
 
La tòca d’aquel projecte es d’organizar un vespralh gigant per los mainatges de l’escòla e que pòscan metre en valor lors envejas amb lors estudis. Mancan sonque qualques formalitats administrativas abans lo començament de la soscripcion al public d’aquel afar que deu assegurar tres cents porcions alimentàrias. Concretament, tre quatre oras, los dròlles a la sortida de l’establiment escolar poiràn trapar una part de vespralh jos la responsabilitat parentala. Los partenaris de l’environament dirècte de l’escòla seràn consultats a fin de causir quina forma prendrà l’arremondon e qual seraàl’intervenent encargat de l’aprestar.
 
 
Episòdi 5.1: La Torta
 
Dins aqueste episòdi, Nèci a trovat lo mejan d’adobar la recèpta de la torta que vòl ofrir a Cluca pel vespertin. A cambiat la frucha de la passion per de frucha de mar...
 
Los generics de dobertura et de clavadura seràn modificats en seguida de la procedura de collècta de fonzes per onorar las contrepartidas definidas. L’escambi prevei de far aparéisser los lògos de professionnals en començament d’animacion e los mecènas de la societat civila en fin de generic per òrdre descreissent d’aparicion segon una talha de polissa de caractèr proporcionala a la soma ofèrta.
 
Per acabar plan cal ajustar que DEM cèrca de pachar de collaboracions amb de profesionals del mitan musical qu’ajudaràn la sèria a adobar sa benda sonòra.
 
 
 
 
@panamondin