CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 23 de setembre

Actualitats

Diluns, 13 d'abril de 2015, 03h00 Societat,Politica,Internacional

Madrid: espectaclosa manifestacion d’ologramas

De manifestants del Mond entièr an fach la primièra manifestacion olografica contra la lei de seguretat ciutadana que l’a pas poguda reprimir


Comentaris 11 comentaris    
Marrit Flac Bon Plan bon Fabulós (7 vòtes)
carregant En cargar


Divendres passat, pendent la nuèch, de milièrs de manifestants participèron a una protèsta davant lo Congrès dels Deputats espanhòl, a Madrid, contra la nòva Lei de seguretat ciutadana, una lei fòrça repressiva qu’auriá quitament enebit aquela manifestacion. Mas en aquel cas se sabiá pas çò que caliá far pr’amor que los manifestants èran que de projeccions olograficas. La còla del sit Hologramas por la Libertad (D’ologramas per la Libertat) aviá fach una crida a de personas del Mond entièr per qu’escanerizèsson lors còrses e que permetèsson de los emplegar dins aquela protèsta insolita.
 
Una còla de tecnicians foguèt capabla de convertir puèi aqueles imatges en una autentica manifestacion, originala e impossibla de reprimir (vidèo).
 
An protestat contra una polemica Lei espanhòla de seguretat ciutadana, aprovada en genièr passat, solament amb los vòtes del Partit Popular (PP). Se tracta d’una reforma del còde penal qu’inclutz, entre diferentas mesuras, la preson a perpetuitat, nomenada eufemisticament “preson permanenta revisabla”. Lo govèrn espanhòl ditz qu’aquela condemnacion a perpetuitat se poirà solament aplicar dins los cases d’assassinats grèus coma lo magnicidi (es a dire l’assassinat del rei, del prince eiretièr o d’un cap d’estat) o ben coma la mòrt de menors de 16 ans, l’assassinat precedit de violament e los delictes de terrorisme.
 
 
Se punís la resisténcia pacifica
 
Aquela reforma elimina del còde penal çò que fins ara èra considerat coma de “fautas”. Ara totes los faches punidors seràn considerats coma de delictes. Se punís la resisténcia pacifica en las manifestacions, un delicte que s’apond al d’atemptat e de desòrdre public dins lo cas d’incidents amb la polícia.
 
Aquò es la 28a reforma del còde penal espanhòl e punís pel primièr còp lo maltractament, l’abandon e l’esplecha sexuala dels animals. Prevei tanben de penas e de sancions pels promotors dels combats de cans e de gals.
 
La nòrma enduresís las sancions contra la produccion de materials qu’inciten a l’òdi e la violéncia per de rasons de raça, sèxe, orientacion sexuala, religion o origina nacionala, e tanben per aver de material destinat a la violéncia o l’umiliacion d’aqueles grops.
 
 
Amnestia Internacionala i vei una “grèva reculada per la libertat d’expression”
 
Amnestia Internacionala a criticat durament aquela reforma penala. Dins un comunicat assegura que se tracta d’“una grèva reculada per la libertat d’expression e de reünion” perque dificulta aqueles dreches e evita los crimes de drech internacional. La reforma —çò dison— aumenta las penas e de delictes contra los manifestants “sens cap de justificacion”, e ditz coma exemple lo fach que se considèra ara fòrça mai grèu lo delicte contra l’autoritat quand se produtz dins lo contèxt d’una manifestacion, e punís amb preson la resisténcia pacifica. 
 



publicitat
BANER1-2-3: DGPL TRADUCTOR



Comentaris

15 d'abril 15.50h

Quant de parsonas èran dins la charrèira? Queste còp, benliau que la policia serà d'accordi d'embei lo monde qu'an organizat 'quela manifestacion!


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

14 d'abril 22.11h

Los que deien que era lo mateis lo psoe que lo pp ara podran veire la diferència. Lo pp son los fatxas


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

14 d'abril 16.47h

#8 Sèm d'incompatibilitats prigondas, lo constructiu non pòt existir. As balhat ton vejaire es balhat lo meu. Punt !


Valoriza aqueste comentari:   votar positiu 0   votar negatiu 2
Respondre comentari replica Comentari inadeqüat   Formulari d'abús de comentari

14 d'abril 13.46h

M'agradi los discussions constructivas amb tu ! As tròp d'arguments : Pòdi pas luchar...


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

14 d'abril 13.40h

#6 geeeeeess mon diu ! s'es possible aquò :-) se la CGR avia aparat los salariat se saria hé !
Anem zo son doas oras manaca un quart se fa sentir l'enveja de butar una cutada salvairitz..
Bonas vacanças en coéra del nord.


Valoriza aqueste comentari:   votar positiu 0   votar negatiu 8
Respondre comentari replica Comentari inadeqüat   Formulari d'abús de comentari

14 d'abril 12.27h

Soi segur qu’es un pauc complicat d’ésser occitanista e CGTista. I a pas cap de possibilitat de portar una reivendicacion occitana dins l’encastre de la CGT. De tot biais : Es pas l’encastre.
Ont es la contradiccion entre la defensa dels salariats e l’occitanisma : N’i a pas cap ! Es pas la mema causa. Pòdi far deu sindicalisme dins l’encastre del trabalh, pas que al trabalh. Après, i a la vida vivanta.
Per contra, me fau ben rire qu’en parla de “la santa musica”. Quina ... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

14 d'abril 11.06h

#4 Òc ben, òc ben.... se nos esparnhava la santa musica saria de requist !
Per contra cal saber çò que l'òm vòl èsser sòci d'una organizacion jacobinista o èsser Occitan.. son dos dralhas desparièras e s'escambarlar de contunh deu fa mal... :-)


Valoriza aqueste comentari:   votar positiu 1   votar negatiu 7
Respondre comentari replica Comentari inadeqüat   Formulari d'abús de comentari

14 d'abril 10.01h

« … la CGT manifesta contra tot » : Non ! PER un faïs de causas : PER los salaris, PER los retiradas, Per una melhora reparticion del beneficis, PER que la riquesa creada dins los entrepresas sià pas captada per los « fonds de penion » via los dividends. Manifesta tamben PER los drechs humans, PER la cultura per totes, …

« … enfin manifesta perço que d’aquesta passa… » : 700 000 aderents sul 16 milion de trabalhadors (vertadiers, perque la transparéncia financièra).

« ... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

13 d'abril 15.12h

#Òu Pauròt la CGT manifesta contra tot, enfin manifestava perçòque d'aquesta passa son de mens en mens. D'un autre costat los sindicats totas amassas representan pas mai de 7% detz trabalhadors, D'aqui estant representan ren de ren... E son brica de partenaris socials !


Valoriza aqueste comentari:   votar positiu 1   votar negatiu 6
Respondre comentari replica Comentari inadeqüat   Formulari d'abús de comentari

13 d'abril 14.36h

Manifestacions virutlas o pas, es contra de ultradreitistas que s'es fait aquí una manifestacion. Caldriá ça que la nomar las causas per çò que son realament.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Jornalet en papièr: la seguida

Dijòus passat a Carcassona, la còla de Jornalet anoncièrem l'intencion de tornar publicar una revista en papièr per l'an 2020. Nòstra idèa es de publicar ...
giny

Lo temps

Mapa
  • sol Agen 12
  • sol Aush 12
  • sol Bordèu 14
  • sol Briançon 11
  • sol Caors 12
  • sol Carcassona 14
  • sol Clarmont-Ferrand 12
  • sol Confolent 13
  • sol Gap 10
  • sol La Canau 14
  • sol La Gàrdia 19
  • sol Limòtges 13
  • sol Lo Borg Sant Dalmatz 13
  • sol Lo Puèi de Velai 12
  • sol Marselha 16
  • sol Montpelhièr 15
  • sol Naut Aran 12
  • sol Niça 18
  • sol Nimes 15
  • sol Pau 12
  • sol Peireguers 12
  • sol Rodés 12
  • sol Tolon 13
  • sol Tolosa 12
  • sol Valença 12

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Gavotina marítima: trofèu d'August e vila vielha d'A Torbia

  • Castelar

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Asuèlhs comengeses. © Franc Bardòu

    Asuèlhs Comengeses

  • Lo grand passacarrièra de Rodés. Occitan Pride 2013

  • © Laurenç Revèst

    Fòrt Maginòt de Sant Anhe

  • © Celèsta Toion

    La plaja espaci de libertat? D'expression?

  • Briga (val de Ròia)

  • © Franc Bardòu

    Asuèlhs de Lauragués

  • Barcelona. © CAOC

    18a Dictada Occitana

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • © Laurenç Revèst

    Fòrt Maginòt de Sant Anhe

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Zep Armentano

    XI prèmis Gaudí de l'Acadèmia Catalana del Cinèma

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Valadas. © Xavi Gutiérrez Riu

    Valadas

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Tornariás sosténer una edicion de Jornalet en papièr en 2020?


61%



24%



16%




Vots 38 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)