CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 19 de setembre

Actualitats

Dimars, 23 de junh de 2015, 03h00 Societat,Politica,Internacional

Lo papa Francés demanda perdon per la persecucion dels vaudeses

“Perdonatz-nos pels comportaments non crestians, quitament non umanas, qu’aguèrem contra vosautres”


Comentaris 4 comentaris    
Marrit Flac Bon Plan bon Fabulós (7 vòtes)
carregant En cargar


Aqueste diluns passat, dins son darrièr jorn de sa vesita a Turin, lo papa Francés demandèt perdon per las persecucions dels vaudeses, un movement crestian inicialament fòrça desvolopat en Occitània, mai que mai a l’èst del país. “Perdonatz-nos pels comportaments non crestians, quitament non umanas, qu’aguèrem contra vosautres. En nom del Sénher Jèsus Crist, vos demandi perdon. Caminam amassa”, çò diguèt lo pontife dins la glèisa evangelica metodista de la capitala de Piemont, segon çò que raporta Vatican Insider.
 
Èra lo primièr còp d’un papa vesitava un temple vaudés. L’aculhiguèt lo pastor Eugenio Bernardini, moderaire de la taula vaudesa, e Sergio Velluto, president del consistòri de la glèisa vaudesa, e lo prèire de la glèisa, Paolo Ribet. Abans aqueles mots de perdon, Francés se disiá content de descobrir la “frairesa que nos permet de presar los ligams prigonds” entre las divèrsas glèisas crestianas. “L’unitat qu’es fruch de l’Esperit Sant significa pas uniformitat. Los fraires, de fach, son eissits d’una meteissa origina, mas son pas identics entre eles”, çò precisèt. “Malastrosament, se passèt e contunha de se passar que los fraires accèptan pas lors diferéncias e finisson que se fan la guèrra, un contra l’autre. En chifrant sus l’istòria de las nòstras relacions, podèm pas mai que nos entristir fàcia a las disputas e a la violéncia comesas en nom de la quita fe, e demandi a Nòstre Sénher que nos done la gràcia de nos reconéisser totes pecaires e de nos saber perdonar los unes als autres”.
 
 
Un movement important en Occitània
 
Los vaudeses son un movement crestian nascut al sègle XII amb la tòca de reformar la Glèisa e de la tornar a son esséncia primièra. Se desvolopèt sustot en Occitània, Arpitània e Piemont. E mai se foguèron a mand de desaparéisser exterminats ja al sègle XII, a l’ora d’ara i a fòrça comunautats vaudesas activas en Euròpa e America; s’agropan dins la Glèisa Evangelica Vaudesa, que s’es integrada dins las glèisas protestantas. Lo movement vaudés es encara fòrça viu dins la Val Pèlitz e las  Vals Cluson e Germanasca en Occitània e mai dins la Val de Susa en Arpitània, ont mantes vaudeses se refugièron après las persecucions.
 
Se dison apòstols de l’Evangèli, servicials dels marginals, promotors de la justícia sociala e observaires del respièch de la diversitat religiosa e de la libertat de consciéncia.
 
La ràdio vaudesa Radio Beckwith Evangelica fa d’emissions en lenga occitana.

 
 



publicitat
BANER1-2-3: DGPL DICTADES



Comentaris

5 d'agost 19.18h

es pas sonque en Italia qu'a encara des communitats valdeses, tanban en Allemanha, dau costat de Karlsruhe e tanben a Berlin. Dins aquestes luocs trabaratz des museus e tanben una partida de l'istoria ugenauda qu'an seguit. Existisson 3 vilatge que se sonan "Perouse", un en Francia, un en Allemanha e tanban dins lo Pièmont Italian.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

23 de junh 19.56h

#2 Rason de mai de demandar perdon, e d'illegitimar aital explicitament totes los crimis perpetrats al nom d'aquel pecat, e mai los crimis d'anexion e d'alienacion d'un pòble a un autre…


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

23 de junh 18.42h

#1 La diferéncia es que pòt demandar perdon ***pels catars*** mas non pas ***als catars***, puèi qu'aquela religion existís pas pus...


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

23 de junh 13.28h

Benlèu aqueste Papa mai que susprenent finirà per demandar perdon pels catars. Encara que lo cap de còla de Sant Joan de Latran e president de l'ainada de la Glèisa farà tot çò que pòt per o empachar, segur.


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 21
  • sol Aush 22
  • sol Bordèu 22
  • sol Briançon 13
  • sol Caors 23
  • sol Carcassona 22
  • sol Clarmont-Ferrand 17
  • sol Confolent 17
  • sol Gap 12
  • sol La Canau 23
  • sol La Gàrdia 19
  • sol Limòtges 19
  • sol Lo Borg Sant Dalmatz 18
  • sol Lo Puèi de Velai 15
  • sol Marselha 22
  • sol Montpelhièr 22
  • sol Naut Aran 18
  • sol Niça 21
  • sol Nimes 22
  • sol Pau 23
  • sol Peireguers 21
  • sol Rodés 22
  • sol Tolon 21
  • sol Tolosa 22
  • sol Valença 18

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Franc Bardòu

    Coserans al còr

  • © Laurenç Revèst

    Per las carrièiras de Someire, lo pont cobèrt per la ciutat vidorlenca

  • Arle ©Laurenç Revèst

    Arle (Camarga)

  • País de Rasés. © Franc Bardòu

    País de Rasés

  • © Josep Carpintero

    Presentacion dera ANC Val d'Aran en Vielha, 28/12/2013

  • © Laurenç Revèst

    Auribeu de Sianha

  • País de Rasés. © Franc Bardòu

    País de Rasés

  • © Aure Séguier

    Carnaval Biarnés 2017

  • © Laurenç Revèst

    Besièrs, preséncia d'occitan en ciutat e CIRDOC

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Rocavion (Val Ges). © Cristòu Daurore

    Rocavion (Val Ges)

  • Omenatge a Aragon. © Franc Bardòu

    Omenatge a Aragon

  • © Franc Bardòu

    País Bordalés

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Tardor dins lo País de Saut lengadocian. © Terric Lausa

    Tardor dins lo País de Saut lengadocian

  • © Conselh Generau d'Aran

    Lo Torn de França 2016 en Aran

  • © Franc Bardòu

    Asuèlhs de Lauragués

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • © Julien Cazenave

    12.02.2019: manifestacion a Brussèlas per la libertat presonièrs politics catalans jutjats a Madrid

  • Julien Cazenave

    17.02.2019: manifestacion a Brussèlas en sosten als independentistas catalans

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)