CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 15 d'octòbre

Actualitats

Dimenge, 23 d'agost de 2015, 03h00 Societat,Politica,Internacional

Recòrd d’immigrants e de refugiats que travèrsan la Mediterranèa

De genièr fins ara aperaquí 240 000 personas an riscat lors vidas per cercar la sosta de l’Union Europèa


Comentaris 7 comentaris    
Marrit Flac Bon Plan bon Fabulós (4 vòtes)
carregant En cargar


Lo nombre de personas immigradas o refugiadas qu’an traversat la Mediterranèa en cèrca de la sosta de l’Union Europèa es dins son recòrd mai absolut. Segon un reportatge de TV3, aperaquí 240 000 personas an crosat la mar dempuèi lo començament de l’annada. Aquela chifra es un recòrd tanben en tragèdia, que cada jorn se salva mai de mila personas naufragadas, e se sap que i a mai de 2000 mòrts.
 
 
La rota d’Itàlia
 
D’aquel gaireben quart de milion de personas, la mitat an ensajat de viatjar per la rota mai riscada, a mar dobèrta de Libia fins a las illas de la Lampedosa o de Sicília. Los que capitan a metre los pès sus tèrra se’n van cap al nòrd. Las tòcas mai desiradas son Alemanha, los païses escandinaus, França e la Granda Bretanha. Dins aquela rota trobam de vertadièras situacions de crisi umanitària, coma la que se debana a Calais, ont los refugiats demòran blocats en poder pas aténher lo Reialme Unit.
 
 
La rota de Grècia
 
Mas la rota mai emplegada es a travèrs de Turquia. D’ailà, cèrcan las illas grègas mai pròchas coma Còs o Lèsbos, que son a qualques quatre quilomètres de la còsta turca. D’ailà cèrcan d’arribar al Pirèu, lo pòrt d’Atenas, e se’n van normalament al nòrd-oèst: vèrs Macedònia, Serbia o Ongria. La situacion en Còs es dramatica. I son arribats aperaquí 7000 refugiats e l’illa a pas pro de ressorsas per los aculhir. Per afrontar la subrepopulacion e las violéncias, las autoritats an començat de lotjar los refugiats, mai que mai de sirians, dins un fèrri que s’emplega normalament per far de viatges entre Grècia e Itàlia. Se tracta del vaissèl Eleftherios Venizelos que ja aculhís, provisòriament, 2500 personas mentre que i tractan lors documents de residéncia que lor permetràn de viatjar vèrs d’autres païses de l’Union Europèa.
 
 
Ongria dreiça una barrièra de fil d’aram
 
Ongria es la pòrta d’intrada a Schengen pels que travèrsan los Balcans a pè. Mas l’estat ongrés dreiça sus sa frontièra amb Serbia un mur de fil d’aram per blocar lo passatge dels refugiats, çò publica Libération. An ja bastit los primièrs setanta quilomètres e ne demòran cent.
 
 
Alemanha, lo destin somiat
 
Alemanha es lo destin somiat per la majoritat dels refugiats. Lo país d’Angela Merkel acomola un tèrç de las demandas d’asil de tota l'Union Europèa. Arunan se’n demandèt 200 000 e se prevei qu’ongan se’n demande 600 000. Per comparar, lo Reialme Unit ne recep 170 000.  Ara, Alemanha vòl amendrir las prestacions que recebon los demandaires d’asil.
 
 
Una maraton de patiment
 
Los jornalistas de TV3, Nicolás Valle e Jordi Díaz, son anats dins una d’aquelas frontièras mai caudas, entre Grècia e Macedònia, e an seguit un tròç d’aquel maraton de patiment dels refugiats. An començat aital una sèria de videoreportatges que los ofriràn cada jorn dins los programas informatius. 



publicitat
BANER1-2-3: DGPL TRADUCTOR



Comentaris

24 d'agost 17.14h

#5 Avètz rason, Guilhèm. Vòstre vejaire escurantista sus la societat ditz que cal totjorn caçar los que son pas d'acòrdi. Se necessari, escambiaretz tota la populacion indigena europèa per provar que l'immigracion massissa es una bona causa. E quand tots los qu'èran pas d'acòrdi seràn pus aquí, serà vòstre torn de partir.


Valoriza aqueste comentari:   votar positiu 1   votar negatiu 3
Respondre comentari replica Comentari inadeqüat   Formulari d'abús de comentari

23 d'agost 23.20h



E afanatz-vos d'anar votar, trefolissants, per aqueles franchimands del FN ! Ane ! Aital, al nom de "la resisténcia nacionala" e de la "guèrra de civilizacion" auràn lèu fach de vos fotre lo francés dins la boca, a còp de punh aqueste còp. Al mens n'en acabarem...

Ou pecarias ! Es vosautres que las avètz las claus d'aquelas abissas que nos en fasètz lo presic e que, fin finala, semblatz apelar del vòstre còr.



Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

23 d'agost 22.39h

#4
#1
Ieu, escambiariá plan dos plen de ràbia e de mesprés per dos qu'arriban.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

23 d'agost 15.29h

Vivèm la fin de l'estat de benestar en Euròpa. Los "refugiats" s'arrèstan pas dins lo primièr país que son en securitat. Non, contunhan lor camin dusca Euròpa ont mancaràn pas de reclamar tot çò que lor cal. Euròpa qu'organiza la naveta entre Africa e Itàlia, e entre las islas grècas e Grècia continentala, s'estona dels dramas umans que vesèm als còls de botelha seguents, Calais o la frontièra macedoniana. E la premsa, compliça de l'autodestruccion de nòstre continent, arrèst... Legir mai


Valoriza aqueste comentari:   votar positiu 1   votar negatiu 8
Respondre comentari replica Comentari inadeqüat   Formulari d'abús de comentari

23 d'agost 11.45h

#1 Soi d'acòrdi qu'un futur djihadista pòt pas enriquir pas una civilizacion que li fa venir lo vòmit. Mas lo Jean Marie Le Pen possiblament afogat de la civilizacion greco-latina, fins ara a fòrça mai enriquit son pòrtamoneda que la civilizacion. Los islamistas creisson sul fems de la misèria e de la dictatura e gràcias a la cretinariá. Vos rapelarai que mai d'un dictator son amics dels nòstres caps d'estat. Lo president francés foguèt convidat a l'escasença de l'inauguracion de l... Legir mai


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

23 d'agost 08.11h

Foguèt un temps que macavan pas de balhaires de leiçons a prepaus del "pus grand cementèri marin" dins las aigas de las Comòras. De qué dison los "y a qu'à" - "faut qu'on" ara qu'an un brave merdièr - e d'una autra dimension- a las pòrtas de l'ostal? Tant que lo mond poirà pas viure -simplament viure- en çò seu, quitaràn pas de venir a çò nòstre. Lo questionament lo cal far, a nivèl mondial, sul liberalisme mafioso(veire o legir "Gomorra") que bailèja la planeta e manipula los ... Legir mai


Valoriza aqueste comentari:   votar positiu 3   votar negatiu 1
Respondre comentari replica Comentari inadeqüat   Formulari d'abús de comentari

23 d'agost 06.09h

la literatura sèrve en quauquaren de Raspail a Houellebecqu, lo camin ei traçat,anticipa l'avenir que nos espera. l'EURòPA santissime, paradis sociau, dau revengut lo pus aut dau monde, de la medecina miraculosa aurà viscut se contunha ansin. vodriáu ben que quauqu'un m'expliquésse coma un païsan dau neolitic vengut d'Africa o un futur djhiadista vengut dei pais musulmans podriá enriquir una civilisacion que li dona lo bòmi_la soleta progressista a nivèu mondiau perqué venc la famin... Legir mai


Valoriza aqueste comentari:   votar positiu 2   votar negatiu 10
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 13
  • sol Aush 13
  • sol Bordèu 14
  • sol Briançon 11
  • sol Caors 11
  • sol Carcassona 15
  • sol Clarmont-Ferrand 11
  • sol Confolent 13
  • sol Gap 12
  • sol La Canau 14
  • sol La Gàrdia 23
  • sol Limòtges 10
  • sol Lo Borg Sant Dalmatz 16
  • sol Lo Puèi de Velai 10
  • sol Marselha 17
  • sol Montpelhièr 15
  • sol Naut Aran 12
  • sol Niça 19
  • sol Nimes 16
  • sol Pau 13
  • sol Peireguers 12
  • sol Rodés 13
  • sol Tolon 13
  • sol Tolosa 13
  • sol Valença 13

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Omenatge a Aragon. © Franc Bardòu

    Omenatge a Aragon

  • © Conselh Generau d'Aran

    Lo Torn de França 2016 en Aran

  • © Franc Bardòu

    Catalonha etèrna

  • Occitan e economia: "occitanitat mai o mens visibla"

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Còth deth Tormalet, 18/07/2012

  • © Laurenç Revèst

    Menton, 'a vivaroalpenca maritima

  • Sus la tèrra tan seca, nòstra fin

    Meissonencas en Camarga pichòta

  • Estivada 2013. © Guillem Sevilla

    Estivada 2013

  • Niça vièlha en occitan niçard. © LR

    Niça vièlha en occitan niçard

  • © Franc Bardòu

    Tèrra albigesa

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Asuèlhs comengeses. © Franc Bardòu

    Asuèlhs Comengeses

  • País de Rasés. © Franc Bardòu

    País de Rasés

  • País de Rasés. © Franc Bardòu

    País de Rasés

  • Era còlha dera ADÒC ath trabalh

  • Xavi Gutiérrez Riu

    Eth referendum d'independéncia en Aran

  • © Franc Bardòu

    Asuèlhs Bigordans

  • © Franc Bardòu

    Catalonha etèrna

  • Vilaweb

    Hong Kong: 17a setmana de protèstas

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)