Bandièra01 1180x150: País Invisible

Actualitats

Rubgi Tòp 14, jornada 22

Realisme, aquí lo mot a emplegar per analisar la vint e dusau jornada deu Top 14

Tolosa muishèt a tot lo monde qu'es lo favorit deu campionat
Tolosa muishèt a tot lo monde qu'es lo favorit deu campionat | Martin Dobey

Tot comencèt divés de ser on lo Racing emportèt la partida 27 -16 contra Castras. Aqueths darrèirs avèvan la possibilitat d'assegurar la quatau plaça hòrt importanta dens l'amira de recéber en barratge au mes de mai. En purmèir mieitemps, l'ineficacitat de Castras deishèt lo Racing dens la partida. En dusau mieitemps, per manca de realisme los tarnés ne concretizèren pas dus accions. Sordeish joguèren a 15 contra 14 setze minutas, e a 15 contra 13 sheis minutas, après un dusau carton jaune, e prenuren un ensai en contra (turn over en rugbi modèrne). Los racingmen furen realistas dab quate ensais en turn over.


A Aguilera la victòria de Biàrritz contra Clarmont 15 a 14 permeteish aus vencedors un aviéner ensorelhat e perqué pas la possibilitat de jogar a hons, la setmana que vien, lo quart de finau de Amlin Cup. Clarmont a sabut pas tuar la partida dab dus ensais e una possession importanta de la veishiga. Al mieitemps menavan 6 a 14 mès l'eficacitat de Yachvili sauvèt lo BOPB.
 
Dens quinze jorns se presentaràn a Jean Dauger dab l'etiqueta de favorit per lo dèrbi qu'espèra tot lo País Basco desempuish la dintrada deu pair Harinordoquy suu terrenh a la partida anar. A Aimé Giral, l'aviron baionés colèt fàcia a Perpinhan e un numèro dètz James Hook arretrobat. Las duas còlas ne son pas a la dotzau e tretzau plaça per arren. Mès deu costat baionés manquèren tròp de placatges per esperar préner punts en tèrra catalana. Au finau cinc ensais a zero e l'Aviron jogarà normaument en Pro D2 l'an que vien.
 
Sustòt que Briva ganhèt a la maison 14 a 9 contra Tolon, la còla en fòrma deu moment. Un gran Claarsen, tostemps au combat, permeteish uèi au CAB d'aver set punts d'avança suu tretzau. Quin coratge d'aqueth grop de jogaires de Briva, que meriteishen la soa plaça en Top 14!
 
Pòdem diser que la maishanta suspresa d'aquera fin de setmana vien de Lion on l'Union Bègla-Bordèu perdèt 24 a 13 shens préner lo punt de bonus defensiu. L'aprentissatge contunha peus gascons. Ne joguèren pas en purmèir mieitemps, en dusau ne poduren pas jamèi estar eficaces. Aquera des·hèita deu servir per l'an que vien: cau préner punts contra un club quasiment relegat. Aquera manca de realisme bota la pression a l'Union abans de recéber Agen lo 22 d'abriu.
 
Lo SUA a perdut a Montpelhier 44 a 18. Normau, un còp de mei, los agenés son trop flacs en mesclada. Mès dab l'enveja la marca qu'èra de 16 a 15 a la cincanta navau minuta, au moment deu carton jaune de Laurent Cabarry. De la sheisantau dinc a la fin prenuren quate ensais e vint e ueit punts. Montpelhièr es una grana còla dab una maturitat que'u pòt har esperar d'acabar tresau o quatau a la fin de la fasa qualificativa.
 
Per acabar la jornada Tolosa muishèt a tot lo monde qu'es lo favorit deu campionat. Après duas des·hèitas a Clarmont e Bordèu, son anats ganhar a París que jogava la sheisau plaça qualificativa. Los tolosencs an hèit lo mestièr. Dens una fasa complicada post sheis nacions e una setmana abans lo quart de finala de H Cup, n'avèvan pas lo dreit a ua tresau des·hèita consecutiva a l'exterior. Dab lo son jòc de davant saburen préner lo mielhor suus parisencs.
 
Plaça, la setmana que vien, a la Copa d'Euròpa dab dus clubs qualificats en H Cup.
 
Racing (BO) 27- 16 Castras
Biàrritz 15 -14 Clarmont (BD)
Perpinhan (BO) 47-9 Baiona
Briva 14- Tolon (BD)
Lion 24-13 Bègla-Bordèu
Montpelhièr (BO) 44-18 Agen
Estadi frances (BD) 18-22 Tolosa
 
*BO Bonus Ofensiu
 BD Bonus Defensiu
 
 EquipaPJGRPBBpBcDif
1Estadi Tolosenc 30 22 17 1 4 8 547 364 183
2ASMCA 74 22 16 2 4 6 521 302 219
3RC Tolon 63 30 12 4 6 7 489 319 170
4Montpelhièr HRC 57 22 12 1 9 7 515 435 80
5Castras O 55 29 11 3 8 5 455 429 26
6 Racing Métro 54 22 11 1 10 8 475 459 16
7 Estadi Francés 53 22 10 2 10 9 506 497 9
8SU Agen 44 22 10 1 11 2 407 478 -71
9CA Briva 42 22 7 1 14 12 345 338 7
10Biàrritz OPB 42 22 8 2 12 6 351 455 -138
11U Begla-Bordèu 41 22 9 0 13 5 384 522 -138
12 USA Perpinhan 40 22 7 2 13 8 396 474 -78
13Aviron Baionés 34 22 6 3 13 4 375 540 -165
14 Lion OU 30 22 5 3 14 4 311 465 -154
 
 

Pro D2- Jornada 25
 
En Pro D2, ne vedem pas com Besièrs ne seré pas en Federala 1 l'an que vien. La victòria, dimenge, de Periguers pòt aufrir un espèr mès dab cinc punts de retard suu quatorzau a cinc jornadas de la fin, que sembla complicat.
 
Sustòt que Narbona a prenut un punt de bonus defensiu a Grenòble lo leader de Pro D2 es assegurat d'estar en Top 14 per la sason 2012-1013. An dètz e set punts d'avança suu second Dacs.
 
Per contra tot es dubèrt per la seconda plaça en Top 14. Que son cinc: Dacs, La Rochelle, lo Mont de Marsan e Carcassona, a poder pujar. Esperam que lo finau de la sason serà autant intensiu coma l'an passat, quan Bègla cincau avèva doblat tot lo monde en fasa finau.
 
Brembam que los dusaus e tresaus receberàn dens l'encastre de las semifinaus d'accession.
 
Dacs pòt esperar acabar dusau après la soa victòria fàcia a Oyonnax. Dab sheis punts d'avança suu quatau, son en bona pausicion abans de recéber la setmana que vien Periguers. 
 
Sustot que tots los autes adversaris dirèctes perduren punts importants a l'exterior. Pau viatja mau aquesta annada dab sonque tres victòrias. La lor des·hèita a Carcassona permeteish aus òmis de Christian Labit de créder enqüèra a la cincau plaça qualificativa, dab sonque dus punts de retard suu Mont de Marsan.
 
Eths an hèit vertadierament lo maishant ahar de la jornada en pérder a Orlhac. Aqueths darrèirs n'espèran pas mei hòrt de causa de la sason 2011-2012 desempuish un moment.
 
La Rochelle acabarà normaument dens los cinc purmèirs, mès com Pau, muishan una grana febrilitat a l'exterior. Dab la lor victòria a la maison contra los gascons d'Aush prenen la tresau plaça au bon moment, dens l'objectiu de las semifinaus d'accession.
 
Ais de Provença tuèt los darrèirs espèrs d'Albi d'acabar dens los cinc purmèirs.
 
La victòria de Tarba contra Bourgoin deisha un gost amar e estranh. Son dus clubs en cambiament e n'an pas d'objectius clars per las annadas a viéner. Bourgoin, club formator deus bons, cambièt de president aquesta setmana. Lo budget serà de 4 millions d'euros e lo naveth cap n'a pas l'amira de tornar en Top 14 de tira. La fin d'una epòca.
 
 
La Rochelle 34-25 Aush
Ais de Provença 35-27 Albi
Aurilhac 26-12 Lo Mont de Marsan
Carcassona 34-16 Pau
Dacs 38-14 Oyonnax
Grenòble 32-26 Narbona
Tarba 23-16 Bourgoin
Periguers 33-26 Besièrs

 EquipaPuntsJGRPBBpBcDif
1 FC Grenòble 91 25 19 1 5 13 604 313 291
2US Dacs 74 25 16 3 6 4 502 400 102
3 La Rochelle 72 25 16 0 9 8 580 449 131
4S Pau 68 25 15 1 9 6 489 461 28
5Estadi Montés 66 24 15 0 9 6 458 371 87
6US Carcassona 64 25 13 2 10 8 533 507 26
7Sc Albi 61 25 12 0 13 13 539 517 22
8País d'Ais 57 25 11 1 13 11 538 541 -3
9FC Aush 55 25 12 1 12 5 408 478 -70
10 US Oyonnax 55 25 11 1 13 9 496 499 -3
11Estadi Orlhaqués 52 25 10 2 13 8 457 485 -28
12Tarba PR 52 25 11 0 14 8 447 493 -46
13 CS Bourgoin J 49 24 11 0 13 5 460 545 -85
14RC Narbona M 40 22 7 2 13 8 396 474 -78
15Ca Periguers 35 25 6 0 19 11 401 570 -169
16AS Besièrs H 33 25 6 0 19 9 374 537 -163

 
 
 
Eric Goyhenne
 
 
 
 
 
 
 
 
 
 
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Veishiga Barçac Aquitània
1.

Aquesta fin de Tòp 14 s'anóncia passionanta. Hè dòu que dus clubs dévian sistematicament devarar en ProD2 cada annada, aquò emposoa l'ambient. Qui se sauvarà de Baiona, Perpinhan, Briva o Bìàrritz ? Tant qu'Agen se manten, per jo va plan ! (Tolon campion augan ?!) Òsca au Jornalet Diu Vivant !

  • 2
  • 0

Escriu un comentari sus aqueste article