Bandièra01 1180x150: Comuna de Tolosa

Actualitats

crotz-tolosaCreated with Sketch.Gasconha

Lo govèrn francés met en marcha l’LGV Bordèu-Dacs e Bordèu-Tolosa

Lo projècte se menarà a tèrme malgrat un avís negatiu de la comission d’enquèsta publica

| Benjism89
Lo govèrn francés a validat la realizacion de las linhas de granda velocitat (LGV) entre Bordèu e Tolosa e entre Bordèu e Dacs, dins l’encastre d’un grand projècte ferroviari de Gasconha (GPSO segon sa sigla e lo vejaire geografic en francés). Amb aquò Tolosa seriá a 3h10 de París, çò es exactament lo meteis temps que pren lo TGV entre Tolosa e Barcelona, mas cal prene en compte que la Ciutat Mondina es a 700 quilomètres de París e a mens de 400 quilomètres de Barcelona.
 
Lo projècte se menarà a tèrme malgrat un avís negatiu de la comission d’enquèsta publica, qu’estima que i a de mancanças environamentalas e un impacte negatiu sus las zònas ruralas e las vilas mejanas.
 
Lo còst estimat de l’òbra es de 8,3 miliards d’èuros e sa mesa en servici se prevei en 2024 per Bordèu-Tolosa e en 2017 per Bordèu-Dacs, segon çò que rapòrta Le Figaro.
 
Los elegits an reagit de manièra desparièra sus Twitter. D’un costat se’n felicitan Alain Juppé, primièr cònsol de Bordèu, e Alain Rousset, president del conselh regional d’Aquitània. De l’autre costat, l’eurodeputat ecologista José Bové planh que lo projècte se faga malgrat una enquèsta publica desfavorabla. Segon lo conselhièr regional occitanista, Dàvid Grosclaude es “ua error economica, ecologica e ua vision centralista deu amenatjament deu territòri”.
 

 


 


 


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Amalric de Montreal Montreal de Carcassés
2.

Vesi pas jamai gaire l'interrès d'arribar lèu lèu a París. Ai besonhs de trens dirèctes e regulars, pas tròp cars, qu'ane de Tolosa dirèctament a Barcelona, a Bordèus A mArselha e a Niça, a Lemòtge e a Clarmont Ferran ! De París, ieu, m'en tondi.

  • 6
  • 0
JF Blanc
1.

Lo chaple de la Val de Garona e de las Lanas es decidit per París.

Pas una votz pel PS a las eleccions regionalas!

  • 5
  • 0

Escriu un comentari sus aqueste article