Actualitats
A començat lo jutjament contra lo president de Catalonha e doas elegidas après lo vòte sus l’independéncia
Ièr, la justícia entendèt la conselhièra de l’ensenhament e l’èx-vicepresidenta de la Generalitat, e deman compareisserà lo president Artur Mas
Comencèt ièr en Catalonha lo jutjament contra los elegits acusats d’aver orgnizat lo procès participatiu del 9 de novembre de 2014. La justícia espanhòla a convocat lo president de Catalonha, Artur Mas; la conselhièra de l’educacion, Irene Rigau, e l’alavetz vicepresidenta, Joana Ortega; e los acusa de desobesissença grèva, prevaricacion, malversacion de fonzes publics e usurpacion de foncions. Aquel eveniment participatiu pel qual son jutjats foguèt una mobilizacion istorica en Catalonha e en Aran, que consistiguèt en una consultacion sus l’independéncia del país, e mai s’èra enebida per l’estat espanhòl. La consultacion se tenguèt dins d’escòlas publicas e foguèt organizada per l’executiu amb l’adjuda de benevòls e de las associacions independentistas. Los elegits jutjats riscan de penas d’inabilitacion e quitament la preson.
Ièr, la justícia entendèt la conselhièra de l’ensenhament Irene Rigau e la vicepresidenta de la Generalitat d’alavetz Joana Ortega e deman compareisserà lo president Artur Mas.
Après sa compareisseça, Rigau manifestèt als mèdias qu’o faguèt “plan tranquilla de consciéncia e amb l’absoluda tranquillitat que realizèt pas res de negatiu”. E mai defendèt la convocacion del vòte del 9 de novembre perque “una societat democratica deu conéisser l’opinion dels ciutadans”; e ajusta: “complissiái un mandat del Parlament de Catalonha, lo mieu parlament”.
De son costat, Ortega manifestèt qu’assumissiá “la responsabilitat de l’organizacion del procès participatiu”, que segon ela èra un acte “democratic” e tanben “un projècte de país e un engatjament del govèrn” amb la tòca de “respondre a la volontat del pòble catalan de s’exprimir liurament sus lo sieu futur politic”.
Las doas elegidas an respondut solament a las questions del jutge e de sos avocats. An refusat las acusacions del procuraire e l’acusacion particulara del sindicat ultradrechista Manos Limpias. Rigau a dich: “comprenèm pas res” per rapòrt al “cambiament de critèri” del ministèri public, qu’al començament considerèt pas coma delicte los faches e qu’après las acusacions particularas cambièt de vejaire.
Lo jorn del 75n anniversari de l’execucion de Companys
Lo president catalan es convocat deman, 15 d’octòbre, jorn que se remembrarà lo 75n anniversari de l’execucion de Lluís Companys, lo darrièr president de la Generalitat de Catalonha abans la dictadura de Franco. Rigau e Ortega son convocadas dos jorns abans. Lo procuraire tanplan a cridat divèrses testimònis.
D’acamps de protèsta
Davant los tribunals de Barcelona ont compareissián las elegidas, de centenats de personas s’èran acampadas en sosten a Mas, Ortega e Rigau. Demest los acampats i aviá de representants dels partits politics levat del PP, PSC e C’s, e tanben de sindicats e d’associacions de la societat civila. E mai, malgrat la pluèja, i aguèt a 19h30 un rassemblament qu’empliguèt la Plaça de Sant Jaume. Aquela concentracion èra menada per la consolessa de Barcelona, Ada Colau, que legiguèt lo manifèst del Pache Nacional pel Drech de Decidir, a prepaus d’aqueles jutjaments.
Solidaritat en Aran
En Aran, l’acamp de protèsta se tenguèt a Vielha (Aran) davant la sedença del Govèrn d’Aran. Los elegits araneses, dont lo sindic d’Aran Carlos Barrera, participèron a la protèsta per “deféner e respectar es libertats publiques e es drets fonamentaus, en tot dar supòrt as persones qu’ena sua responsabilitat politica e civiu, decidiren qu’eth pòble de Catalonha poguèsse manifestar era sua opinion de manèra democratica dauant es urnes”.
Comunicat insolit de la cort de justícia
Mentretant, lo quite tribunal a publicat un comunicat que critica durament lo govèrn catalan e tot lo mond que manifestavan per carrièras. La cort a dich qu’aquelas protèstas son “inadmissiblas” e “un atac a l’independéncia judiciària”.
An esperat d’o far après las eleccions
Lo ministre espanhòl de la justícia, Rafael Catalá, a reconegut que la convocacion s’èra pas producha abans per influir pas sus lo resultat de las eleccions del 27 de setembre passat. Mas ara que l’eleccion s’es passada, es “logic e rasonable” que la justícia contunhe sas cambadas.
#9Nsomtots tuits
Ièr, la justícia entendèt la conselhièra de l’ensenhament Irene Rigau e la vicepresidenta de la Generalitat d’alavetz Joana Ortega e deman compareisserà lo president Artur Mas.
Après sa compareisseça, Rigau manifestèt als mèdias qu’o faguèt “plan tranquilla de consciéncia e amb l’absoluda tranquillitat que realizèt pas res de negatiu”. E mai defendèt la convocacion del vòte del 9 de novembre perque “una societat democratica deu conéisser l’opinion dels ciutadans”; e ajusta: “complissiái un mandat del Parlament de Catalonha, lo mieu parlament”.
De son costat, Ortega manifestèt qu’assumissiá “la responsabilitat de l’organizacion del procès participatiu”, que segon ela èra un acte “democratic” e tanben “un projècte de país e un engatjament del govèrn” amb la tòca de “respondre a la volontat del pòble catalan de s’exprimir liurament sus lo sieu futur politic”.
Las doas elegidas an respondut solament a las questions del jutge e de sos avocats. An refusat las acusacions del procuraire e l’acusacion particulara del sindicat ultradrechista Manos Limpias. Rigau a dich: “comprenèm pas res” per rapòrt al “cambiament de critèri” del ministèri public, qu’al començament considerèt pas coma delicte los faches e qu’après las acusacions particularas cambièt de vejaire.
Lo jorn del 75n anniversari de l’execucion de Companys
Lo president catalan es convocat deman, 15 d’octòbre, jorn que se remembrarà lo 75n anniversari de l’execucion de Lluís Companys, lo darrièr president de la Generalitat de Catalonha abans la dictadura de Franco. Rigau e Ortega son convocadas dos jorns abans. Lo procuraire tanplan a cridat divèrses testimònis.
D’acamps de protèsta
Davant los tribunals de Barcelona ont compareissián las elegidas, de centenats de personas s’èran acampadas en sosten a Mas, Ortega e Rigau. Demest los acampats i aviá de representants dels partits politics levat del PP, PSC e C’s, e tanben de sindicats e d’associacions de la societat civila. E mai, malgrat la pluèja, i aguèt a 19h30 un rassemblament qu’empliguèt la Plaça de Sant Jaume. Aquela concentracion èra menada per la consolessa de Barcelona, Ada Colau, que legiguèt lo manifèst del Pache Nacional pel Drech de Decidir, a prepaus d’aqueles jutjaments.
Solidaritat en Aran
En Aran, l’acamp de protèsta se tenguèt a Vielha (Aran) davant la sedença del Govèrn d’Aran. Los elegits araneses, dont lo sindic d’Aran Carlos Barrera, participèron a la protèsta per “deféner e respectar es libertats publiques e es drets fonamentaus, en tot dar supòrt as persones qu’ena sua responsabilitat politica e civiu, decidiren qu’eth pòble de Catalonha poguèsse manifestar era sua opinion de manèra democratica dauant es urnes”.
Comunicat insolit de la cort de justícia
Mentretant, lo quite tribunal a publicat un comunicat que critica durament lo govèrn catalan e tot lo mond que manifestavan per carrièras. La cort a dich qu’aquelas protèstas son “inadmissiblas” e “un atac a l’independéncia judiciària”.
An esperat d’o far après las eleccions
Lo ministre espanhòl de la justícia, Rafael Catalá, a reconegut que la convocacion s’èra pas producha abans per influir pas sus lo resultat de las eleccions del 27 de setembre passat. Mas ara que l’eleccion s’es passada, es “logic e rasonable” que la justícia contunhe sas cambadas.
#9Nsomtots tuits
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un elegit democratic del pòble passa en justícua per aver demandat son vejaire democraticament al pòble. Es aquò Euròpa ? Daissatz-nos sortir !!!!
Aquò pròva que i a urgéncia que lo Parlament de Catalonha declare l'independéncia del país e proclame de seguida la Constitucion de l'Estat novèl. Atal las convocacions de la justíscia espanhòla serán nulas e non avengudas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari