Bandièra01 1180x150: Comuna de Tolosa

Actualitats

Un avion amb 224 passatgièrs russes s’es escrachat en Egipte

L'Estat Islamic revendica qu’es un atemptat, mas las autoritats russas o desmentisson

| ★NEWS NOW★
Un avion amb 224 passatgièrs russes, dont 17 enfants, s’escrachèt aqueste dissabte de matin dins la peninsula de Sinai, segon d’informacions del govèrn d’Egipte. Totes son mòrts. L’avion de la companhiá Kogalymavïa fasiá lo trajècte entre la vila toristica de Sharm Ash Shaykh e Sant Petersborg.
 
L’ipotèsi principala sus la causa de l’accident es una error tecnica. Segon una agéncia oficiala russa, los pilòts de l’aparelh planhián dempuèi qualques jorns de problèmas tecnics al motor.
 
De lor costat, las autoritats russas an raportat la desparicion de l’avion dels radars a 7h14 del matin quand subrevolava la vila de Larnaca, en Chipre, sonque 23 minutas après s’enaurar de la còsta d’Egipte.
 
 
Revendicacion de l’Estat Islamic
 
E mai se l’ipotèsi de l’error tenica es privilegiada, la seccion egipciana de l’Estat Islamic a revendicat l’atemptat de l’avion en un messatge sus Internet. Segon aquela fiulada, o aurián fach coma represalha contra l’intervencion russa dins la guèrra de Siria.
 
Los jihadistas an dich que l’avion es estat tombat per un missil qu’eles an lançat, e quitament an fach difusion d’un vidèo de l’atac.
 
 
Russia desmentís l’ipotèsi de l’atemptat
 
Lo govèrn rus dona pas cap de cresabilitat al messatge. Dins lo moment de l’accident l’avion volava a una nautada fòra la portada de las armas de l’Estat Islamic.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc Palma
1.

Record Estalingrat, las tropas invasoras es creien que ja havien presa la ciutat e, de cop e volta es feu la gran bossa e quedaren tancats 400.000 soldats enemics. que pogueren pus sortir, solament rendir-se. Cal amb paciència esperar lo moment.

  • 0
  • 0

Escriu un comentari sus aqueste article