CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Divendres, 18 d'octòbre

Actualitats

Diluns, 6 d'agost de 2012, 03h00 Lenga,Cultura

La Libraria Mollat de Bordèu “oblida” l’occitan


Comentaris 17 comentaris    
Marrit Flac Bon Plan bon Fabulós (11 vòtes)
carregant En cargar


Mollat es la libraria mai granda de Bordèu, deu departament de Gironda e d’Aquitània. Cada estiu se cavan las cervèlas per trobar quicòm d’original per far venir lo monde dins son establiment que pensan qu’es un temple de la cultura.


Ongan an trobat una idèa de las bonas. Dins cada veirina pichona o granda de la libraria faguèron pausar de panèls de diversas colors dins un fum de lengas que son dins l’òrdre de l’abeçairòla: l’alemand, l’anglés, lo baulé, lo breton, lo chèc, lo chinés, l’espanhòl, l’esperanto, l’euskara, lo francés, lo friolan, l’hindi, l’italian, lo japonés, lo laò, lo lituanian, lo maòri, lo portugués, lo rus, lo suèc, lo turc e lo vietnamian.
 
Un constat es lèu fèit l’occitan es absent de la fèsta! Per qué?
 
Tanlèu lo constat fèit lo 6 de julh de 2012; l’autor de l’article aqueste que se passejava a l’asard Bautesard anèt demandar la rason d’aquesta anomalia:

“- Per qué i es pas la lenga del país?” çò questionèri inocentament.

“- La lenga del país es lo francés, i es!” çò respondèt espontaneament la responsabla del sector literatura de la libraria.
 
Quauques jorn apuèi, lo 30 de julh de 2012, i tornèri e la medisha persona ne remetèt una solada. “Es pas grèu, aguèrem pas léser de trobar quauqu’un per o far en occitan e tot batut e rebatut degun lo parla pas mai a Bordèu o en Gironda”
 
Aguèri de mal per m’enfetar pas e demandèri un corric per poder protestar. Dins lo messatge electronic ramentèri los 30 000 manifestants de Tolosa lo 31 de març de 2012 amb una preséncia girondina de las fòrtas. Demandèri tanben se lo breton e l’euskara èran a l’onor perque los que las parlan, los i arriba de far petar de bombas? Precisèri clarament que se los occitans son pas per emplegar la violéncia, n’an lo sadol de se deure desencusar d’existir e d’èsser los etèrnes desbrembats. Ajustèri que los occitans qu’aiman lor lenga nacionala an de picalhons que podrián anar tombar endacòm mai que non pas dins lo tirador caissa del Mollat.
 
Per clavar lo tot, lo corric foguèt mandat a David Grosclaude, elegit occitanista a la Region Aquitània e a tot lo malhum occitanista de Gironda.
 
Uèit oras après la libraria Mollat se desencusava per las paraulas de son emplegada e argumentava qu’avían pas volgut frustrar lo monde que parlan nòstra lenga. Amai se passam per la libraria seriá urosa de nos receber.
 
Doncas dins las setmanas que vènon, a una data qu’es de determinar, una delegacion d’occitanistas l’anarà veire per ensajar de far avançar las causas. Afar de seguir.
 
S’avètz enveja d’èsser de la delegacion podètz m’escriure un corric. Totun se passatz del costat de la Libraria Mollat podètz anar protestar tanben. Farà mai de pes.
 
 

 
Gèli Grande



publicitat
BANER1-2-3: DGPL TRADUCTOR



Comentaris

28 d'agost 18.01h

Cada còp que vau ençò de Mollat ( un o dus còps per an, que ne damori pas a Bordèu) , los demandi : " on son los libes en occitan ?" e me responen totjorn : "ne n'avem pas, pramor que digun ne se los crompan pas." E quan los rebèqui :" se n'i a pas , segur, digun ne se'n pòt pas crompar ! ", responen : "Rai, es atau !"
Aqueste estiu, avèvan hèit un pichon canton titolat "Bòrdèu" on se trobavan hòrt libes toristics , mès quauques libes en occitan , per exemple los ... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

12 d'agost 10.14h

Torni sus Jornalet.com una setmana puèi e vèsi que los escambis sul libre occitan e sus Mollat s'arrestèron... Es aquò amb Internet : cal alimentar la bèstia cada jorn si que non va manjar en çò del vesin... Doncas :
# 13 L'envèja es de fargar un sit onte los aimadors e los professionals pòdon trapar d'informacions sus çò que se publica en occitan. Es la basa. A costat (coma pel Jornalet) se poiriàn trapar de criticas, de bibliografias, d'articles d'istòria literària, de presentac... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

6 d'agost 20.07h

E a la FNAC de Bordèu, e venen libes en occitan ? Perqué non boicotar meilèu la FNAC ?


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

6 d'agost 19.51h

#13 M'interessa tanben ! Nos èm pausat la question damb amics despuish quauques temps, mes pensatz que seré possible de criticar imparciaument un libre en occitan shens plonjar dens l'eschizofrenia o l'embarament sociau ? Lo cercle occitan es benlèu tròp petit ? (question qu'apèra au desbat).


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

6 d'agost 19.13h

Torni un pauc sul sit del Jornalet dempuèi qualques jorns (aaa, l'estiu occitan...) e vesi que se parla de mai en mai de literatura : articles recents sus Serge Pey, Reinat Toscano, la librarià Mollat, Alan de l'ors... Es una dralha que seguirà lo Jornalet ?
Segur que i a de qué dire. E de qué far ! Informar de cada sortida, presentar los libres mai interessants, far de critica vertadièra, istorica e literària, de retraches d'escriveiras/es, parlar de las/los qu'òbran per la literatura... Legir mai


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

6 d'agost 19.02h

S'as libres que parlan de toponimia girondina o lanusqueta o alavetz de patronimia (en occitan o en francés), de libres "pedagogics" que tractan de l'environa de la vida vidanta (las expressions en francitan per exemple), ... fin finala de causas que pòdon far venir un public novèl pr'amor qu'an pas l'impression d'èsser perduts ... Si que non, serà tostemps lo meteis public.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

6 d'agost 18.19h

#10 Òc, imagini l'interest de libres de Joan Bodon per quauqu'un que legís pas la lenga...


Valoriza aqueste comentari:   votar positiu 7   votar negatiu 7
Respondre comentari replica Comentari inadeqüat   Formulari d'abús de comentari

6 d'agost 17.08h

Es pas enebit tanpauc de far coma Gèli Grande e d'escruire un messatge dedins lo site internet de Molla: http://www.mollat.com/actualites/index.html
Per Jules, vesi pas l'interès tanpauc de far una bibliotèca e d'o far pas pro saber (fòra del pichon mitan occitanista ...). Encara e tostemps la comunicacion, la bèla ... (la pedagogia).


Valoriza aqueste comentari:   votar positiu 1   votar negatiu 7
Respondre comentari replica Comentari inadeqüat   Formulari d'abús de comentari

6 d'agost 16.51h

Òsca a Gèli Grande per aquela accion.
Parlam sovent de la visibilitat de l'occitan, avèm aquí un bèl exemple
de çò que podèm far per mostrar la lenga.


Valoriza aqueste comentari:   votar positiu 3   votar negatiu 3
Respondre comentari replica Comentari inadeqüat   Formulari d'abús de comentari

6 d'agost 16.12h

Perqué pas prepausar 1 jornada o 2 de formacion al librari que se volrià trachar dels libres en occitan ? Qual li poirià presentar los libres, autors, editors, difuseires nòstres ?
Amai serià interessant d'o far per las autras librariàs grandas d'Occitània. Sustot quora vesem qu'IDECO, lo mai grand difuseire de libres en occitan, es a s'esvanir...


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 13
  • sol Aush 13
  • sol Bordèu 15
  • sol Briançon 11
  • sol Caors 13
  • sol Carcassona 12
  • sol Clarmont-Ferrand 13
  • sol Confolent 15
  • sol Gap 11
  • sol La Canau 15
  • sol La Gàrdia 13
  • sol Limòtges 13
  • sol Lo Borg Sant Dalmatz 13
  • sol Lo Puèi de Velai 13
  • sol Marselha 17
  • sol Montpelhièr 16
  • sol Naut Aran 9
  • sol Niça 15
  • sol Nimes 17
  • sol Pau 14
  • sol Peireguers 13
  • sol Rodés 13
  • sol Tolon 13
  • sol Tolosa 13
  • sol Valença 14

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Franc Bardòu

    Tèrra albigesa

  • País de Rasés. © Franc Bardòu

    País de Rasés

  • © Laurenç Revèst

    Mónegue

  • Dus bearnés au som deu

    Concors d'estiu 2012: La fotografia de las vacanças

  • A Gavotina marítima: Recabruna Cab Martin, a vila vielha e o castèl dau sécolo X

  • © Laurenç Revèst

    Castelar

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Costiera de Gavotina marítima : Tròces de vial d'a marina de Mónego a Caboalh. © RL

    Costiera de Gavotina marítima: Tròces de vial d'a marina de Mónego a Caboalh

  • Lo grand passacarrièra de Rodés. Occitan Pride 2013

  • Valadas. © Xavi Gutiérrez Riu

    Valadas

  • La Primada de Montsegur, 17 de març 2012

    Primada de Montsegur, 17 de de març 2012

  • Niça vièlha en occitan niçard. © LR

    Niça vièlha en occitan niçard

  • Musèu de Terra Mata, Niça, mai anciana traça de fuec au monde

  • Citacion de Mistral (Mirèlha). © Laurenç Revèst

    Remembres de Vaquí, emission en la Vau Clusa, novembre de 2005

  • © Conselh Generau d'Aran

    Lo Torn de França 2016 en Aran

  • © Laurenç Revèst

    Vista de Gavotina (est Velai) e d'Auvèrnhe (Vivarés, Gevaudan)

  • Bordèu, bèla occitana de Gasconha. © Franc Bardòu

    Bordèu, bèla occitana de Gasconha

  • © Aure Séguier

    Carnaval Biarnés 2017

  • Valadas. © Xavi Gutiérrez Riu

    Valadas

  • © Laurenç Revèst

    Castelar

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)