Actualitats
An identificat un tolosan coma l’òme que revendiquèt los atacs de París
Fabien Clain, àlias Omar, es un jihadista de Tolosa establit en Siria qu’auriá legit en nom de l’Estat Islamic l’enregistrament que revendicava l’atemptat
L’enquèsta suls atemptats de París se centra sustot en Belgica, Alemanha e França, e tanben en Occitània. La polícia identifiquèt arser un jihadista de Tolosa qu’auriá legit un enregistrament publicat sus Internet ont se revendicava los atacs, en nom de l’Estat Islamic. Se tracta de Fabien Clain, àlias Omar, un òme tolosan de 35 ans, originari de Tolosa, qu’aviá creat una cellula salafista amb Mohamed Merah, lo terrorista tolosan qu’en 2012 assassinèt tres soldats a Montalban, un professor e tres escolans d’una escòla josieva de Tolosa. Clain foguèt condemnat a cinc ans de preson en julhet de 2009 e fugiguèt en Siria. Lo jutjavan en lo considerar coma un dels organizaires d’una filièra d’enviament de combatents islamistas en Iraq per i combatre l’armada estatsunidenca.
Fabien Clain es originari del quartièr del Miralh, al sen d’una familha d’origina reünionesa. El e son fraire Jean-Michel se convertiguèron a l’islam e se radicalizèron al començament dels ans 2000, segon d’informacions de La Dépêche. Se raprochèron de la comunautat islamista d’Artigat (Pedagués), dirigida per Olivier Corel, un occitan d’origina siriana que los fraires Clain lo vesián coma lor guida esperitala.
Fabien Clain es originari del quartièr del Miralh, al sen d’una familha d’origina reünionesa. El e son fraire Jean-Michel se convertiguèron a l’islam e se radicalizèron al començament dels ans 2000, segon d’informacions de La Dépêche. Se raprochèron de la comunautat islamista d’Artigat (Pedagués), dirigida per Olivier Corel, un occitan d’origina siriana que los fraires Clain lo vesián coma lor guida esperitala.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un paure desgraciat. Mas principalment la cantera d' ijaidistes es troba a las barriadas perifericas de Paris. E perquè? Lo centralisme encara que los coga, es una manca de respecte pels altres, voler tuar las altras culturas es tamben una massacre.
#2 "Lo jutjavan en lo considerar coma un dels organizaires d’una filièra d’enviament de combatents islamistas en Iraq per i combatre l’armada estatsunidenc"
A té, que i a grops salafistas a Artigat? En Arièja? Que cadi de cuu!
Aqueth Fabien-Omar qu'èra complici de Merah peus sons crimis en 2012 e qu'estó condamnat a ua pena de preson en 2009. Quauqu'un sap perqué?
D'unes demandavan que totes los musulmans s'excussèsson pels attemptats de París, supausi qua ara vodràn que los occitans faguèsson çò mème !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari