Bandièra01 1180x150: Comuna de Tolosa

Actualitats

Bascoat: una cançon per revendicar la libertat d’Arnaldo Otegi

Lo videoclip cèrca d’èsser “una soma de voses per respondre a l’ensag de far calar una votz

D’artistas de pertot al Bascoat an fach una cançon de sosten a la campanha “Free Otegi, Free Them All” (“Liberatz Otegi, liberatz-los totes”), que revendica la libertat immediata dels presonièrs politics bascos, dont Arnaldo Otegi, qu’es en preson dempuèi sièis ans per aver promogut una estrategia en favor de la patz e del silenci de las armas al país.
 
Amb la cançon n’an fach un videoclip que cèrca d’èsser “una soma de voses per respondre a l’ensag de far calar una votz”, e mai encara, vòlon “cantar per revendicar lo drech de parlar”.
 
La cançon es escricha per Edorta Jimenez e la musica es compausada per Joserra Senperena, e i participan los cantaires Mursego, Aitor Gorosabel, Jon Gurrutxaga, Joseba Tapia, Uxue Alberdi, Oier Aranzabal, Niko Etxart, Furia, Petti, Asier Serrano, Unai Iturriaga, Ines Osinaga, Francis, Sorkun e Xabi Solano. I jògan los musicians Rafa Rueda, Karlos Aranzegi, Migel Artieda, Iñigo Egia e Joserra Senperena.
 
 

 
 
 
 
 



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
3.

Las cançons forman part de las causas polidas, es una bona manera de demandar las causas. Pregar, per la patz, per tot lo que mos succeeiss a la vida.

  • 0
  • 0

Escriu un comentari sus aqueste article