Divèrsas manifestacions se debanèron dissabte pertot en Corsega per sosténer los presonièrs politics. Los manifestants seguigèron la crida de l’Associacion de Solidaritat (Associu Sulidarità) e s’acampèron a Aiacciu, Lucciana, Portivechju, Corti, A Ghisunaccia, Ulmetu, L’Isula e Luri.
 
Los manifestants an denonciat la situacion que se i tròban los presonièrs. Segon Associu Sulidarità, dotze presonièrs se tròban en cauma de la fam del temps que d’autres dos son embarrats dins de cellulas d’isolament “de quatre mètres cairats e sens fenèstras”, en plen ivèrn e “amb de temperaturas sota zèro gra. “Daissarem pas l’administracion penitenciària ipotecar pus longtemps la santat dels nòstres fraires sens reagir”, çò declarèt l’organisme, segon çò que publicava Corse Net Infos.
 
En mai d’aquò, Associu Solidarità faguèt una crida al pòble còrs a “se tenir prèst” dins los jorns venents, “se la situacion veniá a perdurar”; e tombant lo cas, faràn de “de mobilizacions fòrça largas”.
 
 

 
 
 
 
 
 
 
 

---