Actualitats
Zuckerberg tròba “decebent” que se melhore sonque “la connexions a Internet dels rics”
Lo fondador de Facebook a defendut que “totòm dins lo Mond deu aver Internet”, pendent una conferéncia a Barcelona
Segon lo fondador de Facebook, Mark Zuckerberg, es “decebent” que se trabalhe per melhorar e per far mai rapida “la connexion a Internet dels rics” del temps que divèrses païses paures i an pas accès. “Cresi que totòm dins lo Mond deu aver Internet”, çò diguèt diluns passat, pendent una conferéncia dins l’encastre del Congrès Mondial dels Mobils que se debana a Barcelona. Dins aquel sens, Zuckerberg defendiá son servici Free Basics, que trabalha per ofrir Internet gratuitament en Índia, e que ven d’èsser enebit dins aquel país.
Zuckerberg ramentèt qu’en 2020 se prevei que lo ret 5G siá desplegat en Euròpa, del temps que i aurà 3 miliards de personas dins lo Mond qu’auràn pas de connexion.
Zuckerberg ramentèt qu’en 2020 se prevei que lo ret 5G siá desplegat en Euròpa, del temps que i aurà 3 miliards de personas dins lo Mond qu’auràn pas de connexion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Zuckerberg ? Una montanha de sucre ? Quina doçor, pecaire ! Desvelopar cap als mai paures, es developar lo mercat publicitari cap al mai grand nombre. Non es pas generós, aiçò ?
Es pas Facebook o Google que van porgir a la libertat per totes a e sus l'internet. Son dos servicis que participan a l'alienacion de sos utilisators a sos mejans.
Passariá per la fondacion de rets alternativas bastidas amb la mesa en comun de servidors o d'ordenadors. Pas per aqueles espacis publicitaris que son Facebook e Google.
Aicesta declaracion d'en Zuckenberg es de comunicacion.com o m'engani?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari