CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 17 de setembre

Actualitats

Dimars, 8 de març de 2016, 03h00 Societat,Politica

Lengadòc > Lengadòc Bas > Corbièras

La fusilhada de Montredon, 40 ans puèi

Mai de 500 personas respondèron a la crida del Sindicat dels Vinhairons en Corbièras


Comentaris 3 comentaris    
Marrit Flac Bon Plan bon Fabulós (4 vòtes)
carregant En cargar


An remembrat  lo 40n anniversari de la fusilhada de Montredon (Corbièras). Mai de 500 personas respondèron dimenge a la crida del Sindicat dels Vinhairons, çò rapòrta L’Indépendant.
 
 
“Viure e trabalhar al país”
 
E mai se cada annada aquel anniversari se remembra de manièra silenciosa, lo caractèr solemne d’aquel 40n anniversari foguèt marcat per divèrsas presas de paraulas, jos un capitèl plaçat a qualques centenats de mètres del luòc del drama. “Çò que volèm es viure e trabalhar al país”, çò diguèt lo president del Sindicat dels Vinhairons d’Aude, Frédéric Rouanet, qu’evocava “lo trist anniversari”. Tanben los ancians responsables dels Comitats d’Accion Viticòla, André Cases, Jacques Serre e Jacques Mestre, remembrèron la fusilhada. Clavèt l’acte lo discors del senator socialista Roland Courteau.
 
 
La tragèdia del 4 de març de 1976
 
Lo 4 de març de 1976 a Montredon, los afrontaments dels vinhairons en lucha amb la polícia (CRS) arribèron al drama. Doas personas mòrtas, un vinhairon e un policièr, de nombroses ferits e un traumatisme durable pel mond vinhairon, ansin foguèt lo bilanç de la lucha del sector viticòla. Las protèstas dels vinhairons, a causa de la davalada dels prètzes e de las importacions dels vins d’Itàlia, non quitavan de créisser, del temps que las violéncias policièras sens limit ordenadas pel ministre de l’interior d’alavetz, Michel Poniatowski, passèron tanplan l’òsca. Après la tragèdia de Montredon, la protèsta dels vinhairons s’acabèt sul pic. 



publicitat
BANER1-2-3: DGPL DICTADES



Comentaris

9 de març 10.35h

Foguèt condemnada la persona que tuèt Emili Poités ? O i a sonque lo caçaire de Limós que foguèt jutjat e condemant per aver tuat lo CRS Le Goff ?


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

9 de març 05.59h

Lo govèrn de Giscard cercava l'incident perque d'aquel temps se sabiá que lo paure mond èra pacific e amb qualques tustals e pro de macaduras ( e un pauc de sang se fasiá mestièr) la causa poiriá pas téner de temps; sustot se se ten en compta que la propaganda se seriá encargada de discreditar aqueles “violents de vinhairons”. Lo Poniatowski faguèt sortir una locomotiva ab de vagons de mèrças... sens mèrças. Èra de provocacion pura e simpla. Las doas mòrts son a portar a son... Legir mai


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

8 de març 22.04h

Cal recordar l'istòria. La lucha de vinhairons, desamparats per lo govern central de Paris.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 24
  • sol Aush 24
  • sol Bordèu 24
  • sol Briançon 21
  • sol Caors 24
  • sol Carcassona 23
  • sol Clarmont-Ferrand 19
  • sol Confolent 19
  • sol Gap 15
  • sol La Canau 25
  • sol La Gàrdia 22
  • sol Limòtges 22
  • sol Lo Borg Sant Dalmatz 18
  • sol Lo Puèi de Velai 20
  • sol Marselha 21
  • sol Montpelhièr 23
  • sol Naut Aran 21
  • sol Niça 20
  • sol Nimes 24
  • sol Pau 22
  • sol Peireguers 23
  • sol Rodés 25
  • sol Tolon 23
  • sol Tolosa 24
  • sol Valença 19

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • País de Rasés. © Franc Bardòu

    País de Rasés

  • Concèrt del 20n anniversari de Gric de Prat

  • Occitan e economia: "occitanitat mai o mens visibla"

  • Valadas. © Xavi Gutiérrez Riu

    Valadas

  • © Franc Bardòu

    Tèrra albigesa

  • Asuèlhs comengeses. © Franc Bardòu

    Asuèlhs Comengeses

  • Los Arcs (Draguinhanenc): lei carrièras e la torre dau quartier dau Paratge d'ivèrn. © Catarin Seguran

    Los Arcs (Draguinhanenc)

  • Blanc e blu. © Xavi Gutiérrez Riu

    Prumèra nheuada dera sason ena Val d'Aran

  • © Franc Bardòu

    Asuèlhs de Lauragués

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Laurenç Revèst

    Ua comua de la valaia dai Palhons: L'Escarea, gents de cadea

  • © Laurenç Revèst

    Vista de Gavotina (est Velai) e d'Auvèrnhe (Vivarés, Gevaudan)

  • Manifestacion sociala. © Remèsi Firmin

    L'occitan per carrièras (concors de prima 2014)

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Canejan. Era lana de Les. © Xavi Gutiérrez Riu

    Val de Toran (Aran)

  • © Zep Armentano

    XI prèmis Gaudí de l'Acadèmia Catalana del Cinèma

  • Omenatge a Aragon. © Franc Bardòu

    Omenatge a Aragon

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)