Bandièra01 1180x150: Comuna de Tolosa

Actualitats

Grand resultat dels populistas de drecha en tres estats d’Alemanha

Avián luòc d'eleccions en Saxònia-Anhalt, Baden-Württemberg e Renània-Palatinat

Lo partit euroesceptic, populista, conservator, nacionalista, ultraliberal de drecha, Alternativa per Alemanha, AFD, es venguda la segonda fòrça politica en Saxònia-Anhalt, amb un 23% dels vòtes. Per davant i a la CDU, d’Angela Merkel, amb un 27%. En Renània-Palatinat, aurián ganhat los socialistas, amb un 37%, la CDU auriá fach un 32% e l’AFD un 12%. En Baden-Württemberg la CDU s’enfonza, del 38% qu’avián agut las passadas eleccions, tomban al 27%. La primièra fòrça i es ara Aliança 90/Los Verds. L’AFD en Baden-Württemberg es quatrena, amb un 12,5% Après la crisi dels refugiats, lo populisme de drecha a fach un grand resultat a las eleccions d’aqueste dimenge.
 
L’AFD, partit nascut en 2013 pel refús de l’èuro e del salvament de Grècia e dels païses periferics, a viscut una vida intensa. Tanlèu nàisser, aviá viscut de conflictes intèrnes. Julh de 2015 foguèt son mensis terribilis d’un annus horribilis. L’AFD  èra un partit sens nada linha clara. Ultraliberals? Eurocritcs? Eurosceptics? Tròp d’embrolh. Aquel an, lo 10% de sa militància, çò es 2000 personas, rompèron sa carta del partit. La AFD semblava un partit en via d’extincion. En julh passat, fa solament uèch meses, tres dels quatre representants de l’AFD al parlament de la vila-estat de Bremen avián quitat lo partit per fondar lo Partit Reformista de Bremen, BPR; e cinc dels sèt eurodeputats abandonèron la formacion... L’AFD aviá pres la dralha de l’autodestruccion. E alavetz venguèt la salvacion: venguèron los refugiats. L’AFD a fach campanha contra l'arribada massissa de refugiats en Alemanha. E an obtengut son succés.

“Amb l’irrupcion de la drecha extrèma, Alemanha afronta uèi sas fantaumas del passat”, çò explica Vicent Partal, capredactor de Vilaweb, qu’es anat a Berlin per seguir lo vòte. 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Peter Nollet Brussèlas
7.

#6 Los vots pel novèl partit venon pas unicament d'ancians electors de Merkel. Segur, lo partit de Merkel pèrd de 3 a 12 punts segon lo Land, mas las analisis de l'estacion alemanda ARD fan veire que res qu'un quart dels vots del novèl partit son originaris dels ancians electors de Merkel. Un autre quart ven de l'esquèrra e un tèrç de los que votèron pas lo còp passat.

  • 7
  • 5
Francesc Palma de Mallorca
6.

A un lander han guanhat los socialista ,a l'altre los verds amb coaliccion,e a l'altra ho posa pas. Lo qu'es cert es que lo partit de dreitas de Merkel ha perdut, e li ha levat vots aqueste altra partit nou. Se Merkel ha perdut ,me posaré pas a plorar. Los banquier privat volen a Merkel qu'els ha assegurat que faran molt de diners se governa ela. Per acò posen aquestes titulars de premsa.

  • 2
  • 0
PunkWithin Sant Romièg
5.

#4 Vé vé ! Remiri lo ton "profetic" e menassant dels prètzfaches de l'extrèma drecha. Mas los tèmas de "las grandas invasions" e de la "fin de raça" an pas menat enlòc, sonque a l'abatardiment de lors profètas de papièr.

  • 9
  • 5
Peter Nollet Brussèlas
4.

#2 Ne tornarem parlar dins qualques annadas (o pus lèu) quand tremolaretz.

  • 8
  • 13
Peter Nollet Brussèlas
3.

Ah aquels bogres de populistas ! Gausan pausar los interesses del pòple alemand - imaginatz-vos ! - abans los dels "refugiats" que venon d'arribar o que son pas encara arribats... L'idèia qu'i a de monde que vòlon defendre los abitants d'un país deu causar de cortcircuits dins lo cervèl de l'elèit politicament corrèct, enneblat per la desirança d'èsser bons bons bons (amb los sòus dels autres).

  • 7
  • 16

Escriu un comentari sus aqueste article