Bandièra01 1180x150: Comuna de Tolosa

Actualitats

La secreta beutat de las lagremas jol microscòpi

L'artista neerlandés Maurice Mikkers se consagra a la fotografia raprochada de divèrses tipes de lagremas

| Maurice Mikkers
Quand pensam a las lagremas, sovent nos ven dins lo cap d’imatges de tristum e de ràbia, e tanben de jòia. Mas après veire lo projècte de l’artista neerlandés Maurice Mikkers nomenat Imaginarium of Tears, pensarem mai que mai a un espectacle.
 
Las fotografias a los filmets d’Imaginarium of Tears, agrandidas amb un microscòpi, mòstran las polidas e complèxas formas que las amagan las lagremas, coma se foguèsson de cristals de nèu o de cratèrs lunars, e sustot lo caractèr diferent de caduna de las mòstras qu’a analizadas l’artista, a partir de sos amics, de parents e quitament de gents que coneis pas.
 
L’òbra de Mikkers, que l’explica dins aqueste article, es estada seguida tanplan per la revista Quartz, amb un vidèo que mòstra sa recèrca e qu’expausa las diferéncias que i a entre las lagremas sortidas davant un ventilator, per la malautiá d’un parent, per un moment de panica e simplament al moment de talhar de cebas.
 
 

Crystallisation "time laps" from Maurice Mikkers on Vimeo.


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pascau
1.

B'ei beròi!

  • 0
  • 0

Escriu un comentari sus aqueste article