Bandièra01 1180x150: País Invisible

Actualitats

De desenats de milièrs de personas reclaman l’autodeterminacion de Cabilia e “l’oficialitat efectiva” del berbèr

Commemoracion de la Prima Berbèra dins las principalas vilas cabilas

| MAK
De desenats de milièrs personas marchèron lo 20 d’abril passat per carrièras, dins las principalas vilas de Cabilia, per fin de reclamar l’autodeterminacion d’aquel territòri de majoritat berbèra e mai una “oficialitat efectiva” del berbèr en Argeria. Las manifestacions commemoravan lo 36n anniversari de la Prima Berbèra, una de las jornadas mai importantas del movement amazigh en Argeria.
 
Las manifestacions avián de colors pro desparièras. Entretant, i aviá las manifestacions convocadas pel Movement per l’Autodeterminacion de Cabilia (MAK) a Tizi Wezzu (Tizi Ouzou), a Bogia e a Tubirett (Bouira), que segon l’agéncia Siwel aurián rassemblat aperaquí 100 000 personas. Le Matin d’Algérie parla de desenats de milièrs de personas, amb qualques arrestats. TSA e El Watan parlan tanben de manifestacions “grandiosas” amb un “nombre impressionant” d’assistents, mas sens ofrir cap de chifra concreta.
 
Los manifestants d’aquelas marchas —precedidas per una manifestacion a París lo 17 d’abril—reclamèron lo drech del pòble cabil a s’autodeterminar e a obténer un estat pròpri. Aquò es la via que lo MAK a seguida pendent los darrièrs ans, après aver reclamat de badas, pendent los ans prèvis, un estatut d’autonomia dins Argeria.
 
De l’autre costat, la manifestacion del Rassemblament per la Cultura e la Democracia (RCD), a Tizi Wezzu, amassèt tanben de milièrs de personas. Mas en aquel cas la revendicacion se centrava sus una “oficialitat efectiva” per la lenga berbèra.
 
Lo Parlament d’Argeria aprovèt un emendament constitucional en febrièr de 2016 que fasiá lo berbèr lenga oficiala. Mas lo berbèr es pas tractat a egalitat amb l’arabi perque sol l’arabi recep la foncion de “lenga de l’estat”. Los partits amazighs en general —e cabils en particular— considèran qu’aquela distincion, de fach, implica que lo berbèr serà pas plenament oficial.
 
 
 

Aquesta nòva es adaptada de Nationalia amb qui Jornalet a un acòrdi de cooperacion

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
2.

Endavant, ja ho haurien d'esser d'oficial tant la llengua Bèreber, com l'estat de la Cabilia.
L'Ernest. "El Tàrrega".

  • 0
  • 0
francesc palma de mallorca
1.

Cal seguir pacificament demandant los drets del poble berber.

  • 1
  • 0

Escriu un comentari sus aqueste article