Lo sit web “15 years”, fach per The migrant’s files, documenta dempuèi l’an 2000 totes los immigrants que son mòrts en anant vèrs Euròpa o en ensajant d’i demorar. Per aquela rason, quand intram dins lo sit, lo messatge es clar, en roge: “15 years Fortress Europe”, çò es, 15 ans de la fortalesa Euròpa. Sus la mapa i a un comptador qu'avança dins lo temps dempuèi l’an 2000 e calcula totes los mòrts que i a agut. Parallèlament, se mòstra sus la mapa ont se produguèt caduna de las mòrts en las documentant en detalh. La mesa a jorn d’aquel sit web es jornalièra e arriba fins a uèi. La chifra totala es espantosa: 32 040 personas mòrtas.