Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Presentacion en Madrid dera Acadèmia Aranesa dera Lengua Occitana

| Conselh Generau d\'Aran
Era Delegacion deth Govèrn dera Generalitat de Catalonha en Madrid presentèc dijaus passat, 29 de seteme, en Centre Culturau Blanquerna er Institut d’Estudis Aranesi- Acadèmia Aranesa dera Lengua Occitana (IEA-AALO).
 
Era presentacion anèc a cargue deth delegat deth Govèrn dera Generalitat de Catalonha en Madrid, Ferran Mascarell, deth vicesindic d’Aran, Luis Carlos Medina, deth president der IEA-AALO, Jusèp Loís Sans, e deth president dera Seccion aranesa dera Acadèmia aranesa dera lengua occitana, Jèp de Montoya.
 
En acte se hec ua passejada pera realitat occitana e aranesa, se presentèc er emparament que Catalonha a donat ad aquera minoritat, s'expliquèc çò qu'ei e com foncione eth Conselh Generau d'Aran, e se realizèc era presentacion dera Acadèmia aranesa dera lengua occitana e des sues produccions.
 
Eth delegat deth Govèrn dera Generalitat en Madrid, Ferran Mascarell, manifestèc era accion deth Govèrn dera Generalitat envèrs era lengua occitana; eth president dera Seccion aranesa dera Acadèmia aranesa dera lengua occitana, Jèp de Montoya, expliquèc as assistents era identitat aranesa, occitana, es aspèctes istorics mès destacats, e es auanci obtenguts enes darrèri trenta ans; eth president der IEA-AALO, Jusèp Loís Sans, parlèc sus era Acadèmia e es dues òbres fundamentaus Gramatica basica e normativa ortografica der estandard. Fin finau, barrèc er acte eth vicesindic d’Aran, Luís Carlos Medina, qu’expliquèc eth foncionament der autogovèrn aranés e dera proteccion dera identitat aranesa.
 
Era  Val d'Aran ei un territòri de lengua occitana plaçat ena Comunitat Autonòma de Catalonha. Era reconeishença que Catalonha a dat a Aran a hèt que pendent es darrèri 30 ans se reiïnstaure era administracion pròpia d’Aran, eth Conselh Generau d'Aran, qu'era lengua occitana, aranés en Aran, age obtengut d'èster oficiau en tota Catalonha e que se crèe er Institut d'Estudis Aranesi damb reng d'Acadèmia.
 
 
 
 
Conselh Generau d’Aran
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
2.

E quina es estat la reaccion dels Castelhans de Madrid a aquesta presentacion publica ?

  • 1
  • 0
francesc palma
1.

Se cal presentar per tot arreu. Ha Madrid hi ha per motius laborals els exiliats, morts de fastic d'haver de viure a una ciutat amb molts d'aspectes ostil o estrangera. Aquestas activitats de la Generalitat els pot far reviure.

  • 1
  • 0

Escriu un comentari sus aqueste article