CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 20 de julhet

Actualitats

Dimècres, 12 de setembre de 2012, 10h30 Societat,Politica,Internacional

Manifestacion istorica a Barcelona per l’independéncia de Catalonha

Dos milions de personas collapsèron las carrièras de Barcelona en tot demandar l’independéncia del país. La preséncia occitana foguèt remarcabla


Comentaris 30 comentaris    
Marrit Flac Bon Plan bon Fabulós (54 vòtes)
carregant En cargar


Barcelona visquèt ièr dimars, 11 de seteme, la manifestacion mai massissa de son istòria. Dos milions de personas segon l’organizacion, 1,5 milion segon la polícia, manifestèron per demandar l’independéncia de Catalonha.


Qualques oras abans de començar la mobilizacion, la ciutat de Barcelona èra ja collapsada. Lo percors de 3,5 quilomètres venguèt una concentracion mai qu’una manifestacion pr’amor que los manifestants non se podián pas botjar.
 
Foguèt ua convocacion eissida del pòble, e aital foguèt pas entestada per cap de representant politic mas per de sòcis de l’Assemblada Nacionala Catalana (ANC) amb de cantaires, d’actors, de jornalistas e de gents del mitan cultural.
 
A fòrça distància de l’entèsta, i marchèron los representants dels partits politics ÈRC, CiU, ICV-EUiA, CUP, SI, Rcat e qualques membres del PSC a títol individual. Nòu conselhièrs del Govèrn de la Generalitat s’i afigèron e entre eles i aviá la vicepresidenta Joana Ortega.
 
 
Superacion de totas las previsions
 
La presidenta de l’ANC, Carme Forcadell, diguèt als jornalistas que la plataforma se vegèt “totalament desbordada per la situacion”, pr’amor que la manifestacion, çò diguèt, “a superat totas las previsions”. L’entèsta de la manifestacion poguèt pas arribar al Parlament pr’amor que la marcha a pena podiá avançar.
 
Fin finala, una representacion de l’ANC e de l’Associacion de las Municipalitats Independentistas (AMI) quitèt la marcha e, per un autre camin, anèt autrejar lo manifèst final a la presidenta del Parlament, Núria de Gispert.
 
 
Demanda als deputats del Parlament per l’independéncia
 
La presidenta de l’ANC, Carme Forcadell, a demandat als deputats que comencen lo procès per un estat pròpri. Forcadell a reclamat tanben que se celèbre una consultacion dins totas las municipalitats e diguèt que, se lo president de Catalonha, Artur Mas, convòca d’eleccions coma un plebiscit, l’ANC o sostendrà. La presidenta del Parlament respondèt que la classa politica catalana escotarà lo clam que s’es viscut en las carrièras de Barcelona.
 
 
Lo president de Catalonha recebrà de representants de l’ANC abans dos dias
 
De Gispert confirmèt als representants de l’ANC e de l’AMI que lo president de la Generalitat de Catalonha, Artur Mas, los recebrà abans dos dias. De fach, lo president a parlat uèi a 9h30 per far una primièra avaloracion de la manifestacion. Dins la siá avaloracion, Mas, a celebrat l'enòrme succès de la manifestacion e a reconegut que lo clam per l'independéncia foguèt fòrça clar. Ça que la, "cal dotar Catalonha amb d'estrucuturas d'estat". "Catalonha deu far lo sieu procès de transicion nacionala", çò a apondut lo president catalan.
 
 
Una crida de sosten e de reconeissença al Mond
 
Mentretant, per carrièras, se legiguèt en qualques lengas de demandas a totes los païses del Mond per que balhen lor sosten e lor reconeissença a l’independéncia de Catalonha.
 
Se faguèt tanplan una consulta als manifestants, que respondèron afirmativament, en tot mostrar un papièr verd, a las questions seguentas:
 
1. Volèm exercir lo drech a l’autodeterminacion?
2. Volèm l’independéncia del nòstre país?
3. Volèm un drapèl catalan a l’ÒNU?
4. Volèm que nòstres representants politics s’engatgen a començar lo procès de secession?
5. Nos engatjam a trabalhar amassa per bastir un estat liure, independent e prospèr?
 
 
Preséncia occitana
 
Quitament se ièr èra jorn de trabalh dins la màger part d’Occitània, la representacion occitana foguèt granda amb de representants de País Nòstre, del PÒC, de Libertat! e PNO. “Un estat catalan independent que balhariá de vam a Occitània, e que portariá l’occitan coma lenga oficiala a l’UE e a l’ÒNU”.
 
Los occitans manifestèron just darrièr l’entèsta de la manifestacion, e aital de nombroses drapèls occitans foguèron presents en los imatges emeses per las televisions catalanas.
 
 
La Val d’Aran
 
Demest los drapèls occitans, n’i aviá d’araneses long de tota la manifestacion. Jornalet poguèt constatar la preséncia del sindic d’Aran, Carlos Barrera, en l’acte institucional del matin, e la preséncia en la manifestacion del vicesindic segond, Eduardo Valdecantos, e la del cap de la politica lingüistica del govèrn aranés, Jusèp-Loís Sans Socasau.
 
Qualques ciutadans araneses, interrogats per la còla de Jornalet, venián de Vielha, Betlan e Bossòst. Per eles, l’independéncia de Catalonha es importanta per la Val d’Aran, del temps que Catalonha reconeis lo fach aranés e que l’occitan i es lenga oficiala; per contra, Espanha non a fach cap d’esfòrç en aquel sens.
 
Manuèl, un òme de Vielha, se demandava çò que seriá Aran en una Catalonha independenta. Mas es clar que serà çò que lo pòble aranés voldrà. Coma o faguèt ja en 1313.



publicitat
BANER1-2-3: DGPL DICTADES



Comentaris

6 d'octòbre 13.56h

#29 Es un pauc lo problèma de las minoritats lingüisticas. Per definir lor territòri, en lòc de prene las limits lingüisticas, se basan sus un territòri istoric. Aital, en Euskadi, impausan lo basc dins las regions que parlan espanhòl dempuèi fòrça temps. D'un autre costat, los Navarreses aiman pas tròp reconéisser lo basc sus lor territòri per que Navarra fa pas partida del Pais Basc istoric. Idèm pels bretonants que vòlon que la Nauta Bretanha (de lenga francesa, dialècte gall... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

1 d'octòbre 19.08h

#19 Desencusa-me de tornar sus una discussion ancian, mas vèsi de legir la setmana, e vèsi que se demanda la creacion d'una collectivitat territoriala basca amb Baiona coma caploc. Que cal far? lor explicar qu'es pas possible perque Baiona es occitana? los empachar de crear un tal ensemble? portar lo pet a l'ONU? mudar totes los bascofons al Petit Baiona e que s'i despatolhen? Me soi pas encara despartit de l'idèa que traçar de frontièras sus de critèris etnics/linguistics/socials... sia ... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

13 de setembre 22.47h

#26
Quand lo savi mòstra la Luna, los innocents agachan lo det.
Quand los independentistas mòstran la libertat, los antiindependentistas agachan lo det (o los caulets).


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

13 de setembre 18.54h

#26 Erosament era majoritat de sabents e scientifics dera istòria non an cap pensat aquerò


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

13 de setembre 17.33h

Que vòletz semiar caulets en lo desèrt mes qu'ètz dijà a pensar au camion que cromparatz entà har lo marcat...


Valoriza aqueste comentari:   votar positiu 0   votar negatiu 2
Respondre comentari replica Comentari inadeqüat   Formulari d'abús de comentari

13 de setembre 15.20h

#24 Es exactament çò que veni de dire.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

13 de setembre 13.32h

#23 La prumèra causa a har qu'ei d'espandir la consciénca occitana, non ? La consciéncia d'estar occitans ? La transformacion d'aquera consciéncia occitana en consciéncia *nacionau* qu'ei enqüèra ua auta etapa.

L'independéncia de l'Occitania non pòt pas estar atenhuda democraticament shens aqueras prumèras duas etapas.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

13 de setembre 11.28h

#21 Evidentament, los independentistas son partisans, de començar de trabalhar sus las opinions publicas e d'obténer una autonomia creissenta de las regions occitanas: aquò es indispensable abans de pensar d'organizar, pus tard, qualque referendum d'autodeterminacion.

Aqueles principis evidents e senats, se pòdon legir dins tota la tradicion intellectuala dels movements independentistas. Cal legir e se cal cultivar ...abans de criticar.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

13 de setembre 11.03h

#21 Qu'atz previst tot....


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

13 de setembre 10.34h

#19 Non, mes seriosament, qu'ac previst tot, plan bròi. Mes lavetz, qu'atz previst tanben que per vòste hipotetic referendum,que i auré 1% de òc, e 99 % de non (e uncoèra que sui plan brave...). E avant tot aquò, per un referendum, bilhèu que caleré ua demanda de la populacion... on le vedetz ?
Que cau, com ic ditz lo Manu, mei de pés enter las mans deus poders locaus, un òrde d'autonomia de gestion, mes domandar l'independença, estant o non per lo "dògme" occitaniste, qu'es har pr... Legir mai


Valoriza aqueste comentari:   votar positiu 2   votar negatiu 2
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2
-
3 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Una data negra

Es lo 14 de julhet e los franceses festejan lor fèsta nacionala.  De fach, gaireben totes los païses del Mond festejan un jorn nacional. E mai la majoritat sián pas de nacions mas ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

giny

Vidèos

Entrevista

giny

giny

publicitat

lateral 2 teveoc

Fotografias

  • Carnaval e fèsta per l'anniversari de la naissença de Jausep Garibaldi a Niça

  • © Franc Bardòu

    Catalonha etèrna

  • Arremassada de signatures pera independéncia. ANC Val d'Aran, Vielha 11-12 de gèr 2014

  • © Asalaís Moniguet

    Montpelhièr la lengadociana

  • © Laurenç Revèst

    Via de Buelh a Pèunas a Valberg fins a Sant Laugier

  • © Josep Carpintero

    Presentacion dera ANC Val d'Aran en Vielha, 28/12/2013

  • Carnaval independent de Niça. © Centre Cultural Occitan País Niçard e Alpenc

    Carnaval independent de Niça

  • Per camins sus a comuna de Pelha, marcai d'occitan en toponimia e vista sus a Baia dals àngels (Aquer d'Ongran)

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Valadas. © Xavi Gutiérrez Riu

    Valadas

  • © Aure Séguier

    Carnaval Biarnés 2017

  • © Laurenç Revèst

    Ua comua de la valaia dai Palhons: L'Escarea, gents de cadea

  • © Iñaki Delaurens

    Val d'Aran

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Estacion de trens de Limós (Rasés) - Senhalizacion en occitan. © Terric Lausa

    Estacion de trens de Limós (Rasés) - Senhalizacion en occitan

  • Valadas. © Xavi Gutiérrez Riu

    Valadas

  • © Pep Casasayas

    22u corsa Aran per sa Lengua (26-7-2015)

  • © Laurenç Revèst

    Las Cevènas, Barjac en Val de Cese

  • © Xavi Gutiérrez Riu

    31n rescontre occitanocatalan al Pòrt de Salau

  • © Franc Bardòu

    País Bordalés

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Per tu, lo 14 de julhet...


26%



28%



45%



1%




Vots 152 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)