Actualitats
Los candidats pròrusses an ganhat las eleccions en Bulgaria e Moldàvia
Lo nòu president de Bulgaria èra un comandant de la fòrça aeriana del país fins al mes d’agost passat
Bulgaria e Moldàvia elegiguèron dimenge passat lors respectius presidents. Dins los dos cases, de politicians pròrusses ganhèron l’eleccion, çò que se pòt interpretar coma una revirada a la cresabilitat de l’Union Europèa en aqueles endreches. Bulgaria fa partida de l’Union Europèa, e Moldàvia fa sèt ans que seguís un procès d’adaptacion a l’Union qu’ara se poiriá arrestar còp sec.
En Bulgaria, lo ganhant es Rumen Georgiev Radev, es un òme que defend un raprochament amb la Russia de Vladimir Putin, e que foguèt fins al mes d’agost passat un comandant de la fòrça aeriana. E mai se la carga de president es puslèu simbolica e a pas gaire de poder politic, l’eleccion de Radev es un chepic per Brussèlas, que viu amb alarma l’espelida dels partits anti-UE e prò-Russia.
En Moldàvia a ganhat lo socialista Igor Dodon, que se presentèt a las eleccions amb una plataforma que demanda d’arrestar lo procès d’incorporacion a l'Union Europèa e de refortir los ligams amb Russia.
Lo president moldau a fòrça mai de poder que lo bulgar e en aquel cas l’eleccion si que i significarà un cambiament immediat de politica. Dodon es arribat a la cima de l’estat après d’annadas de nombroses escàndols de corrupcion qu'an fach trantalhar la politica moldava, fòrça ligats a de politicians partisans de l'Union Europèa.
En Bulgaria, lo ganhant es Rumen Georgiev Radev, es un òme que defend un raprochament amb la Russia de Vladimir Putin, e que foguèt fins al mes d’agost passat un comandant de la fòrça aeriana. E mai se la carga de president es puslèu simbolica e a pas gaire de poder politic, l’eleccion de Radev es un chepic per Brussèlas, que viu amb alarma l’espelida dels partits anti-UE e prò-Russia.
En Moldàvia a ganhat lo socialista Igor Dodon, que se presentèt a las eleccions amb una plataforma que demanda d’arrestar lo procès d’incorporacion a l'Union Europèa e de refortir los ligams amb Russia.
Lo president moldau a fòrça mai de poder que lo bulgar e en aquel cas l’eleccion si que i significarà un cambiament immediat de politica. Dodon es arribat a la cima de l’estat après d’annadas de nombroses escàndols de corrupcion qu'an fach trantalhar la politica moldava, fòrça ligats a de politicians partisans de l'Union Europèa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mentre siguin Moldaus i Búlgara bé, tinguin quines inclinacions tinguin.
Però que respectin l'identitat pròpia, i betllin pels seus.
Amb la CEE, o Rusia, però que fagin les coses bé.
Ara si son fatxes, al Clot!
L'Ernest, "El Tàrrega".
Darrera l'UE e l'Imperi solament hi ha messorgas, explotacion dels trabalhadors, talhadas de l'electricitat al que poden pas pagar, guerras per far mai l'Imperi del mal, despesas militars astronòmicas, violència contra los negres e los paures,retalhadas de que queda de l'estat del benestar,barris de marginacion,....
quenta polida tèsta d'aparatschik qu'aqueu Dodon ! ieu ne fariáu un remake modèrne de l'obra de Bellaud de la Bellaudiera : lo Dondon infernau; e viva Brescnief e lo suffratge universau !
1) Dins mon parlar, seriá *cresable çò que se poiriá *cresar. Mas cresar, dins mon parlar, vòl pas res dire. Per contre, dins mon parlar, avèm un vèrb del tresen grop (e non pas del primièr) que se ditz "creire", e cresi qu'ai pas aquí besonh de ne donar la significacion. E quora quicòm se pòt creire, dins moin parlar, se ditz donc qu'es cresibla, non pas *cresabla…
2) Euròpa es ultraliberal, es a dire cap e tot desumanisanta e desesperanta. Qué ne vira de Russia ? Aqueles tanben an degut causir entre la rèba e lo colerà !!!
La politica fai plan rire. L'òm arieba a se determinar segond un sol critari : esser prò-russe o prò-europeen. Emben de las idéias aitau sem pas prestes de comprener la politica e d'i aver una parcela de poder.
Jornalet fai rire emben sa neutralitat e son parti-pris que frisa la conaria
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari