Actualitats
En Catalonha Nòrd una comuna desobesís a l’interdiccion dels preseps de l’estat francés
E mai se la lei francesa enebís los simbòls religioses, lo cònsol d’Estavar assegura que la sola religion del presep de la bibliotèca “es lo catalanisme”
Estavar, un vilatge de Catalonha Nòrd, torna plaçar un presep dins la bibliotèca publica malgrat l’enebiment de l’estat francés de metre de simbòls religioses dins los espacis publics. Lo cònsol màger, Laurent Leygue, a explicat a VilaWeb, que recebèron una letra de l’estat francés lo mes passat que remembrava l’interdiccion de far de preseps dins d'espacis publics, sustot dins l’ostal de la comuna, en conformitat amb una lei de 1905. Lo cònsol explica qu’aquela mesura a lo sosten dels sectors mai laïcistas de l’estat que vòlon pas cap d’element religiós dins los sits publics ni que se’n despense d’argent public. Pasmens, “nòstre presep a pas cap d’element religiós destacat, i a pas cap de crotz. Se i a qualque religion, es lo catalanisme”, çò a ditz Leygue a VilaWeb. Lo presep es pas a l’ostal de la comuna, es a la bibliotèca, que segon lo cònsol “es un espaci de cultura”.
Fa tres ans que bastís aquel presep Elizabeth Banet, una abitanta d’Estavar, amb la collaboracion de las escòlas e de personas del vilatge e dels vilatges vesins. Lo presep fa 24 m2 e i cabon mai de 200 santons. Cal mai de 60 oras per lo bastir.
Lo cònsol soslinha qu'es un presep “tipicament catalan”. Çò es amb la preséncia de cèrtas figurinas coma lo caganer, de castellers o quitament un ase.
En mai d’aquò, lo cònsol defend qu’aquela tradicion servís per assolidar la cultura catalana dins la Nauta Cerdanha e ara pensa d'organizar una fièra consagrada als preseps.
Editorial de 21.12.2014: Lo 25 de decembre serà un jorn obrant?
Fa tres ans que bastís aquel presep Elizabeth Banet, una abitanta d’Estavar, amb la collaboracion de las escòlas e de personas del vilatge e dels vilatges vesins. Lo presep fa 24 m2 e i cabon mai de 200 santons. Cal mai de 60 oras per lo bastir.
Lo cònsol soslinha qu'es un presep “tipicament catalan”. Çò es amb la preséncia de cèrtas figurinas coma lo caganer, de castellers o quitament un ase.
En mai d’aquò, lo cònsol defend qu’aquela tradicion servís per assolidar la cultura catalana dins la Nauta Cerdanha e ara pensa d'organizar una fièra consagrada als preseps.
Editorial de 21.12.2014: Lo 25 de decembre serà un jorn obrant?
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'han pas de retirar lo Batlem, se al parisien chovinet li agrada pas que hi vagi pas a veire'l. l'Estat francès a favor dels terroristas de l'EI e encontra dels Batlem !
per de gents coma ieu que cresi ni Dieu ni Diable, la grèpia -la crecha) coma la pastorala en Provença es un signe fort d'identitat que li aguèsse lo pichon Jèuse popon de plastic o vertadier enfantolet que ven de nèisser, come ei, de cops que i a, de pastoralas onte la mamà ten lo rotle -mut- de la Vierge Maria.Quand en 1981 reprengueriam la pastorala Audibèrt -la melhora, a mon vejaire -dins nostra vilota, fasiá trenta ans que se montava plus e tot en un cop, a costat dei vièlhs actors que l'avián jugada joines qu'èran totis de gents de glèisa-de fiolis, coma se ditz a Marselha, una nova generacion ,laïca, indiferenta en religion, preniá la releva, que totis comuniqueriam dins la fe provençalista o occitanista, contunheriam aquesta tradicion fins qu'en 2007.a près ,aquesta data, foguèt plus ^possible, que li aviá plus ges de corala dins nostra associacion, que leis actors coma lo public se fasiam vielhs e abandonavan, e se l'an 1981, doneriam tres representacions dins la vila e quauqu'unas ais environs, l'an 2007 amb una soleta ni aviá pron e encara rempligueriam pas la sala e dempuei... citarem Corneille dins lo recit dau "Cid""le combat cessa, faute de combattants" èra la conclusion d'una victoria, per nautres seriá puslèu una derrota
òsca per aquesta initiativa del conse d'Estavar en contra dels integristas "laicards" e anti cultura catalana , franchimands
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari