Bandièra01 1180x150: País Invisible

Actualitats

Tres tèrratrems an tornat secotir lo centre d’Itàlia

En agost passat un tèrratrem destruguèt entièrament la vila d’Amatrice, a sèt quilomètres de l’epicentre actual, e daissèt 298 mòrts. La nèu e lo freg dificultan los socorses

Tres tèrratrems, que son arribats als 5,7 grases segon l’escala de Richter, an tornat far trantalhar lo centre d’Itàlia aqueste dimècres passat. Los tremolaments an secotit de regions coma lo Laci, los Abruces e las Marcas, e se son quitament sentits a Roma, ont an vojat lo mètro e an evacuat las escòlas e los musèus.
 
Segon lo Centre italian dels Tèrratrems, l’epicentre es localizat dins la província de L’Aquila, que ja patiguèt en 2009 un tèrratrem de 6,3 grases que daissèt aperaquí 300 mòrts. Aqueste còp l’epicentre èra a Ascoli Piceno, a aperaquí dètz quilomètres de prigondor.
 
Aquela zòna ven de patir qualques sismes en 2016. En agost passat, un tèrratrem destruguèt entièrament la vila d’Amatrice, a sèt quilomètres de l’epicentre actual, e daissèt 298 mòrts.
 
Los prètzfaches de salvament, evacuacion e relotjament son mai complicats que jamai. La region patís tanben l’èrsa de freg e, aquestes jorns, i nèva constantament. En mai d’aquò, las comunicacions son plan malaisidas a causa dels tèrratrems passats.
 
Se vos trobatz dins l’estat italian e qu’ajatz de besonh d’ajuda, podètz telefonar a la Proteccion Civila al 800 840 840.
 
Per ajudar, la Pòsta italiana, en collaboracion amb la Crotz Roja, a instituit un compte bancari per los dons en favor dels abitants grèvament greujats. Trobaretz mai d’informacions sus aqueste ligam.
 




Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article