Bandièra01 1180x150: Comuna de Tolosa

Actualitats

La presidéncia de Trump plaça lo relòtge de la guèrra atomica sul ponch pus perilhós dempuèi 1953

Lo Bulletin dels scientifics atomistas de l’Universitat de Chicago li fan indicar ara solament doas minutas e mièja abans mièjanuèch

L’arribada de Donald Trump a la presidéncia dels Estats Units a mogut lo nomenat Doomsday Clock o relòtge de la fin del Mond a la segonda posicion pus perilhosa de l'istòria. Despuèi la setmana passada, lo relòtge indica que manca doas minutas e mièja abans mièjanuèch.
 
Aquel relòtge es una iniciativa de The Bulletin of the Atomic Scientists. Lo creèron en 1947 après los atacs amb de bombas atomicas sus Hiroshima e Nagasaki. Las agulhas del relòtge indican quant de temps manca abans mièjanuèch, una ora que simboliza lo començament d’una guèrra nucleara.
 
Los scientifics que fan partida del comitat cargat d’indicar aquela ora simbolica creson que l’arribada de Donald Trump a la presidéncia dels Estats Units es una de las menaças mai grandas que jamai ajan existit a respècte de la corsa als armaments nuclears.

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Guilhèm Thomas Tolosa
3.

"Boarf ! Avèm léser ..." :D

  • 3
  • 0
francesc palma
2.

Què digan los del relotge en què se bassan? Quí son eles, uns adivines coma las pitomisas e quina classa d'orgamizacion representan ? E perquè parlan pas dels afers amb la màfia e lo terrorisme d' Obama e Hillary en la guerra de Siria. Aqueste relotge s'enfot de los morts de Siria provocats per l'autodenominat l'EI e de los que l'han pagat, dirigit e armat.

  • 2
  • 0
Lachaud
1.

Quò es mas de la propaganda. D'alhors dins aquel article i a p'un argument serios que permet de dire que Trump sera lo diable. Avetz lo libre arbitre; servetz-vos en

  • 3
  • 8

Escriu un comentari sus aqueste article